ୟୁନିଟ-୧ ମାର୍କେଟ ବନ୍ଦ, କେବେ ଜାଣନ୍ତୁ

Sep 11, 2020 - 08:39 Updated: Sep 11, 2020 - 08:39

4232

ଭୁବନେଶ୍ୱର: ଆସନ୍ତା ରବିବାର ଦିନ ହେବାକୁ ଥିବା ନିଟ ପରୀକ୍ଷା ପାଇଁ ୟୁନିଟ-୧ ମାର୍କେଟକୁ ବନ୍ଦ ରଖାଯିବା ନେଇ ନିଷ୍ପତ୍ତି ହୋଇଛି । ଦିନ ୧୧ଟାରୁ ସନ୍ଧ୍ୟା ୫ଟା ପର୍ଯ୍ୟନ୍ତ ମର୍କେଟ ବନ୍ଦ ରହିବ । ପ୍ରକାଶ ଯେ, ରାଜ୍ୟର ୭ଟି ସହରର ୮୪ ପରୀକ୍ଷା କେନ୍ଦ୍ରରେ ମୋଟ ୩୬ ହଜାର ୪୫୯ ପରୀକ୍ଷାର୍ଥୀ ପରୀକ୍ଷା ଦେବେ । ଭୁବନେଶ୍ୱରରେ ୩୧ଟି ପରୀକ୍ଷା କେନ୍ଦ୍ରକୁ ବସରେ ଯାତାୟତ ବ୍ୟବସ୍ଥା କରାଯାଇଛି । ପରୀକ୍ଷା ପାଇଁ ପୂର୍ବାହ୍ନ ୧୧ଟାରୁ ପ୍ରବେଶ ଆରମ୍ଭ ହୋଇ ଦିନ ଗୋଟାଏ ୩୦ରେ ଗେଟ୍ ବନ୍ଦ ହେବ ଓ ଦିନ ୨ଟାରୁ ୫ଟା ଯାଏଁ ହେବ ପରୀକ୍ଷା । ଜେଇଇ ମେନ ଭଳି ନିଟ୍ ପରୀକ୍ଷା କେନ୍ଦ୍ରରେ ରହିବ ଆଇସୋଲେସନ ରୁମ୍ । ଅଧିକ ତାପମାତ୍ରା ବା ଅସୁସ୍ଥ ପରୀକ୍ଷାର୍ଥୀ ସେଠାରେ ପରୀକ୍ଷା ଦେବେ । ସେମାନଙ୍କ ଲାଗି ଦୁଇଜଣ ପରୀକ୍ଷା ନିୟନ୍ତ୍ରକ ପିପିଇ କିଟ୍ ପନ୍ଧି ପରୀକ୍ଷା ପରିଚାଳନା କରିବେ । ଚଳିତବର୍ଷ ପରୀକ୍ଷାର୍ଥୀଙ୍କ ଖାତରେ ଟିପଚିହ୍ନ ଉଠାଇଦିଆଯାଇଛି । ପରୀକ୍ଷାର୍ଥୀ କେବଳ ଦସ୍ତଖତ କରିବେ ।