ଗୁରୁବାର ଖୋଲିବ ରତ୍ନଭଣ୍ଡାର
admin
4981
ସ୍ଥାନାନ୍ତର ହେବ ଭିତର ରତ୍ନଭଣ୍ଡାର ଅଳଙ୍କାର
ଭୁବନେଶ୍ୱର : ଆସନ୍ତା ଗୁରୁବାର ଖୋଲିବ ରତ୍ନଭଣ୍ଡାର । ଏନେଇ ସୂଚନା ଦେଇଛନ୍ତି ରତ୍ନଭଣ୍ଡାର ତଦାରଖ କମିଟି ଅଧ୍ୟକ୍ଷ ଜଷ୍ଟିସ୍ ବିଶ୍ୱନାଥ ରଥ । ରତ୍ନଭଣ୍ଡାର ପୁଣିଥରେ ଖୋଲିବା ନେଇ ଆଜି ଏକ ଜରୁରୀ ବୈଠକ ବସିଥିଲା ।
ଜଷ୍ଟିସ୍ ରଥ କହିଛନ୍ତିଯେ, ଗୁରୁବାର ରତ୍ନଭଣ୍ଡାର ଖୋଲାଯିବ । ଏଥିପାଇଁ ଦିନ ୯ଟା ୫୧ରୁ ୧୨ଟା ୧୫ ପର୍ଯ୍ୟନ୍ତ ଶୁଭ ସମୟ ରହିଛି । ରତ୍ନଭଣ୍ଡାର ଖୋଲିବା ପରେ ସିନ୍ଦୁକ ଓ ଆଲମାରୀରେ ଥିବା ରତ୍ନ ଅଳଙ୍କାର ଅସ୍ଥାୟୀ ରତ୍ନଭଣ୍ଡାରକୁ ସ୍ଥାନାନ୍ତରିତ କରାଯିବ । ମହାପ୍ରଭୁଙ୍କ ଶେଯଘରକୁ ଅସ୍ଥାୟୀ ରତ୍ନଭଣ୍ଡାର କରାଯାଇଛି ବୋଲି ସେ କହିଛନ୍ତି ।
