ନେପାଳରେ ରାଜନୈତିକ ସଂକଟ: ଓଲି,ପ୍ରଚଣ୍ଡଙ୍କ ଚାରି ଘଣ୍ଟିଆ ଆଲୋଚନା ବିଫଳ
ନେପାଳରେ ରାଜନୈତିକ ସଂକଟ: ଓଲି,ପ୍ରଚଣ୍ଡଙ୍କ ଚାରି ଘଣ୍ଟିଆ ଆଲୋଚନା ବିଫଳ
admin
2662
କାଠମାଣ୍ଡୁ : ନେପାଳରେ ଶାସକ କମ୍ୟୁନିଷ୍ଟ ପାର୍ଟି ସେକ୍ରେଟାରୀ ବୋର୍ଡର ବୈଠକ ଶନିବାର ଶେଷ ହୋଇଛି। ଏହି ବୈଠକରେ ପ୍ରଧାନମନ୍ତ୍ରୀ କେ.ପି ଶର୍ମା ଓଲି ଏବଂ ଦଳର କାର୍ୟ୍ୟକାରୀ ସଭାପତି ପୁଷ୍ପ କମଲ ଦହଲ ପ୍ରଚଣ୍ଡଙ୍କ ମଧ୍ୟରେ ଦୀର୍ଘ ସମୟ ପର୍ୟ୍ୟନ୍ତ ଆଲୋଚନା ହୋଇଥିଲେ ସୁଦ୍ଧା କୌଣସି ଫଳାଫଳ ବାହାରି ନଥିଲା। ଉଭୟ ନିଜ ନିଜ କଥାରେ ଅଡି ବସିଥିଲେ । ପାର୍ଟିର ଆଭ୍ୟନ୍ତରୀଣ ମତଭେଦ ଯେମିତି କୁ ସେମିତି ରହିଥିଲା। ପ୍ରଧାନମନ୍ତ୍ରୀଙ୍କ ବାଲୁବାଟର ସ୍ଥିତ ସରକାରୀ ବାସଭବନରେ ଅନୁଷ୍ଠିତ ବୈଠକରେ ନିଷ୍ପତ୍ତି ନିଆଯାଇଛି ଯେ ଷ୍ଟାଣ୍ଡିଂ କମିଟିର ବୈଠକ ସମେତ ଦଳର ସମସ୍ତ ବୈଠକ କାଠମାଣ୍ଡୁର ଧୁମ୍ବରାହି ଠାରେ କମ୍ୟୁନିଷ୍ଟ ପାର୍ଟିର କେନ୍ଦ୍ରୀୟ କାର୍ୟ୍ୟାଳୟରେ ଅନୁଷ୍ଠିତ ହେବ। ଦଳର ମୁଖପାତ୍ର ନାରାୟଣ କାଜୀ ଶ୍ରେଷ୍ଟା କହିଛନ୍ତି ଯେ ସଚିବ ବୋର୍ଡ ବୈଠକରେ ଦଳର ଆଭ୍ୟନ୍ତରୀଣ ସମସ୍ୟା ଉପରେ ଆଲୋଚନା କରାଯାଇଥିଲା କିନ୍ତୁ କୌଣସି ସମାଧାନ ହୋଇପାରିନଥିଲା।
ପାର୍ଟି ସୂତ୍ର ଅନୁଯାୟୀ, ସଚିବ ବୋର୍ଡର ବୈଠକ ପୂର୍ବରୁ ଓଲି ଏବଂ ପ୍ରଚଣ୍ଡ, ପ୍ରାୟ ଚାରି ଘଣ୍ଟା ଏକୁଟିଆ ଆଲୋଚନା କରିଥିଲେ କିନ୍ତୁ ସମସ୍ୟାର ସମାଧାନ ହୋଇପାରିଲା ନାହିଁ। ସବୁଠାରୁ ବଡ଼ କଥା ହେଲା, ପୂର୍ବତନ ପ୍ରଧାନମନ୍ତ୍ରୀ ପ୍ରଚଣ୍ଡ, ମାଧବ କୁମାର ଏବଂ କିଛି ବରିଷ୍ଠ ନେତାଙ୍କ ଦାବି ହେଉଛି କି ଓଲି ପ୍ରଧାନମନ୍ତ୍ରୀ ବା ଦଳର ସଭାପତି ପଦରୁ ଇସ୍ତଫା ଦିଅନ୍ତୁ। ତେବେ ଆଜି ପାର୍ଟି କାର୍ୟ୍ୟାଳୟରେ ଅନୁଷ୍ଠିତ ହେବାକୁ ଥିବା ବୈଠକରେ ପ୍ରଚଣ୍ଡ ଏବଂ ଓଲି ଦେଇଥିବା ଚିଠି ଉପରେ ସ୍ଥାୟୀ କମିଟି ଆଲୋଚନା କରିବ। ଏହି ଚିଠିରେ ଉଭୟ ପରସ୍ପର ଉପରେ ଅଭିଯୋଗ ଆଣିଛନ୍ତି। ପ୍ରଚଣ୍ଡ ତାଙ୍କ ଚିଠିରେ ଦଳକୁ ଆତ୍ମବିଶ୍ୱାସ ନକରି ସରକାରଙ୍କୁ ଅଯଥାରେ ଚଲାଇଥିବା ଅଭିଯୋଗ କରିଛନ୍ତି। ଏଥିସହ ସେ ଓଲିଙ୍କ ଉପରେ ଦୁର୍ନୀତି ମଧ୍ୟ କରିଥିବା ଅଭିଯୋଗ ଆଣିଛନ୍ତି। ଯେତେବେଳେ ଓଲି ସମସ୍ତ ଅଭିଯୋଗକୁ ଅସ୍ୱୀକାର କରିଥିବା ସୂଚନାରୁ ଜଣାପଡିଛି।
