ପୋଲିସ ଦଳ ଉପରକୁ ଆତଙ୍କୀ ଆକ୍ରମଣ : ୨ ଆହତ
ପୋଲିସ ଦଳ ଉପରକୁ ଆତଙ୍କୀ ଆକ୍ରମଣ : ୨ ଆହତ
admin
2180
ଶ୍ରୀନଗର : ଜମ୍ମୁ କାଶ୍ମୀରରେ ଆତଙ୍କୀ ଆକ୍ରମଣରେ ଦୁଇ ଜଣ ଆହତ ହୋଇଛନ୍ତି । ପୋଲିସ ଦଳ ଉପରକୁ ଆତଙ୍କବାଦୀ ମାନେ ଆକ୍ରମଣ କରିଥିବା ବେଳେ ଜଣେ ପୋଲିସ କର୍ମୀଙ୍କ ସହିତ ଜଣେ ସାଧାରଣ ନାଗରିକ ଆହତ ହୋଇଛନ୍ତି । ଶ୍ରୀନଗରର ହୱାଲରେ ଏହି ଅଭାବନୀୟ ଘଟଣା ଘଟିଛି । ପୋଲିସ ଦଳ ପ୍ୟାଟ୍ରୋଲିଂ କରୁଥିବା ସମୟରେ ଆତଙ୍କୀ ମାନେ ଆକ୍ରମଣ କରିଥିଲେ । ଆତଙ୍କୀ ମାନେ ଆଖିବୁଜା ଗୁଳିଚାଳନା କରିଥିବା ବେଳେ ଘଟଣା ସ୍ଥଳରେ ଜଣେ ପୋଲିସ କର୍ମଚାରୀ ଆହତ ହୋଇଥିଲେ । ଏହା ସହିତ ଜଣେ ସାଧାରଣ ନାଗରିକ ମଧ୍ୟ ଆହତ ହୋଇଥିଲେ । ଉଭୟ ଆହତଙ୍କୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଥିବା ନେଇ ଜଣେ ପୁଲିସ ଅଧିକାରୀ ସୂଚନା ଦେଇଛନ୍ତି । ପୋଲିସ ପ୍ୟାଟ୍ରୋଲିଂ ଦଳ ଉପରେ ଆକ୍ରମଣ କରାଯିବା ପରେ ସ୍ଥାନୀୟ ଅଞ୍ଚଳକୁ ଘେରାବନ୍ଦୀ କରାଯାଇ ସର୍ଚ୍ଚ ଅପରେସନ ଜାରି ରହିଛି ।
ଉଲ୍ଲେଖଯୋଗ୍ୟ ଯେ, ନିକଟରେ ଜମ୍ମୁ କାଶ୍ମୀରରେ ଆତଙ୍କୀ ଆକ୍ରମଣ ନିୟମିତ ଭାବରେ ବୃଦ୍ଧି ପାଇବାରେ ଲାଗିଛି । ନାର୍ଗୋଟା ଆକ୍ରମଣରେ ୪ ଜଣ ଆତଙ୍କୀ ନିହତ ହୋଇଥିବା ବେଳେ ଭାରତୀୟ ଯବାନ ମାନେ ୧୬୦ ମିଟର ଲମ୍ବର ସୁଡଙ୍ଗ ବନ୍ଦ କରିଥିଲେ ।
