୩୦ ରୁ ୨ ଯାଏ ଘୂର୍ଣ୍ଣିଝଡ଼, ବଜ୍ରପାତ
୩୦ ରୁ ୨ ଯାଏ ଘୂର୍ଣ୍ଣିଝଡ଼, ବଜ୍ରପାତ
admin
2421
ଭୁବନେଶ୍ୱର: ଆସନ୍ତା ୩୦ ତାରିଖଠାରୁ ଅର୍ଥାତ ଅକ୍ଟୋବର ୨ ପର୍ଯ୍ୟନ୍ତ ରାଜ୍ୟରେ ବଜ୍ରପାତ ସହ ଘୂର୍ଣ୍ଣିଝଡ଼ର ସମ୍ଭାବନା ରହିଛି । ଏଣୁ ଏହି ୩ ଦିନ ସତର୍କତା ଅବଲମ୍ବନ କରିବା ପାଇଁ ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ ରାଜ୍ୟବାସୀଙ୍କୁ ପରାମର୍ଶ ଦିଆଯାଇଛି । ଏହା ସହ ବିପଦ ଥିବା ଜିଲ୍ଲା ଗୁଡ଼ିକ ପାଇଁ କେନ୍ଦ୍ର ପକ୍ଷରୁ ୟେଲୋ ୱାର୍ଣ୍ଣିଂ ଜାରି କରାଯାଇଛି । ଅପରପକ୍ଷେ ଏହାକୁ ଦୃଷ୍ଟିରେ ରଖି ଯେକୌଣସି ପ୍ରତିକୂଳ ପରିସ୍ଥିତି ପାଇଁ ପ୍ରସ୍ତୁତ ରହିବାକୁ ସ୍ୱତନ୍ତ୍ର ରିଲିଫ କମିଶନର ପ୍ରଦୀପ ଜେନା ସମସ୍ତ ଜିଲ୍ଲାପାଳଙ୍କୁ ପରାମର୍ଶ ଦେଇଛନ୍ତି ।
କେନ୍ଦ୍ରର ସୂଚନା ମୁତାବକ ୩୦ ରୁ ୨ ତାରିଖ ପର୍ଯ୍ୟନ୍ତ ଉପକୂଳ ବର୍ତ୍ତୀ ଜିଲ୍ଲା ଗୁଡ଼ିକ ସହ ରାୟଗଡ଼ା, କଳହାଣ୍ଡି, କନ୍ଧମାଳ, ଅନୁଗୁଳ, ବୌଦ୍ଧ ଓ ଢେ଼ଙ୍କାନାଳରେ ଘୂର୍ଣ୍ଣିଝଡ଼ ସହ ବଜ୍ରପାତର ସମ୍ଭାବନା ରହିଛି । ଠାଏ ଠାଏ ପ୍ରବଳ ବର୍ଷାର ମଧ୍ୟ ସମ୍ଭାବନା ରହିଛି । ଅପରପକ୍ଷେ ଭାରତର ପଶ୍ଚିମ ତଥା ଉତ୍ତର ପଶ୍ଚିମ ଅଞ୍ଚଳରେ ବାୟୁମଣ୍ଡଳର ତଳଭାଗର ଆଣ୍ଟିସାଇକ୍ଲୋନିକ ସଞ୍ଚାରଣର ସ୍ଥାପନ ତଥା ବାୟୁମଣ୍ଡଳର ଆର୍ଦ୍ରତା ଓ ବର୍ଷାର ଯଥେଷ୍ଟ ହ୍ରାସ ଯୋଗୁଁ ପଶ୍ଚିମ ରାଜସ୍ଥାନ ଏବଂ ପଞ୍ଜାବର କିଛି ଅଞ୍ଚଳକୁ ଦକ୍ଷିଣ ପଶ୍ଚିମ ମୌସୁମୀ ବାୟୁ ପ୍ରତ୍ୟାବର୍ତ୍ତନ କରିଛି । ମୌସୁମୀର ପ୍ରତ୍ୟାବର୍ତ୍ତନ ରେଖା ଅମୃତସର, ଉଟିଣ୍ଡା, ହନୁମାନଗଡ଼, ବିକାନେର ଓ କସଲମୈର ଦେଇ ଗତି କରୁଛି । ଆସନ୍ତା ୨ ରୁ ୩ ଦିନ ମଧ୍ୟରେ ପଶ୍ଚିମ ରାଜସ୍ଥାନ, ପଞ୍ଜାବର ଆହୁରି କିଛି ଅଞ୍ଚଳ ଏବଂ ହରିୟାଣା, ଚଣ୍ଡୀଗଡ଼, ଦିଲ୍ଲୀ, ଉତ୍ତରପ୍ରଦେଶ ଓ ମଧ୍ୟପ୍ରଦେଶକୁ ପ୍ରତ୍ୟାବର୍ତ୍ତନ କରିବା ପାଇଁ ପରେ ଅନୁକୂଳ ରହିଛି ବୋଲି ପାଣିପାଗ କେନ୍ଦ୍ର ପକ୍ଷରୁ ସୂଚନା ଦିଆଯାଇଛି ।
