୧୮ ବର୍ଷ ବୟସରେ ୨ଟି ପିଲାର ମା ତଥାପି ହେଲେ ଆଇପିଏସ୍
୧୮ ବର୍ଷ ବୟସରେ ୨ଟି ପିଲାର ମା ତଥାପି ହେଲେ ଆଇପିଏସ୍
admin
4557
କିଛି ଲୋକ ଉଦାହରଣ ସାଜି ଜୀବନକୁ ଆଲୋକିତ କରିଥାନ୍ତି । ଆଇପିଏସ୍ ଅଧିକାରୀ ଏନ୍ ଅମ୍ବିକା ଏହାର ଉଦାହରଣ ଅଟନ୍ତି । ତାଙ୍କ କାହାଣୀ ଯୁବପୀଢିଙ୍କୁ ପ୍ରେରଣା ଦେବା ସହ ଆଗକୁ ବଢିବାକୁ ଉତ୍ସାହିତ କରିଛି । ସବୁ ପ୍ରକାର ପରିସ୍ଥିତିକୁ ସାମ୍ନା କରି ଆଗକୁ ଲକ୍ଷ୍ୟ ସ୍ଥଳରେ ପହିଁଚିବା ପାଇଁ ନିଜର ମନୋବଳକୁ ସୁଦୃଢ଼ କରିବା ଦରକାର । ଏବେ ଆଇପିଏସ୍ ଅମ୍ବିକାଙ୍କୁ ମୁମ୍ବାଇର ଲୋକ ଲେଡି ସିଂଘମ ନାମରେ ଜାଣିଛନ୍ତି । କିନ୍ତୁ ୨୦୦୮ ପୂର୍ବରୁ ଏହା ସବୁ ଅସମ୍ଭବ ଥିଲା । ଜାଣି ଆଶ୍ଚର୍ଯ୍ୟ ହେବେଯେ, ୧୪ ବର୍ଷ ବୟସରେ ତାଙ୍କର ବିବାହ ହୋଇଥିଲା ଏବଂ ୧୮ ବର୍ଷ ବୟସରେ ସେ ୨ଟି ପିଲାର ମା’ ସାଜିଥିଲେ । ତାଙ୍କ ସ୍ୱାମୀ ପୁଲିସ୍ କନଷ୍ଟେବଳ ଥିଲେ । ସେ ତାଙ୍କ ସହିତ ଗଣତନ୍ତ୍ର ଦିବସରେ ପ୍ୟାରେଡ଼ ଦେଖିବାକୁ ଆସିଥିଲେ । ତାଙ୍କ ସ୍ୱାମୀ ଉପର ଅଧିକାରୀଙ୍କୁ ସାଲୁଟ୍ କରିବା ଦେଖି ସେ ତାଙ୍କୁ ପଚାରିଥିଲେ ସେ କିଏ ? ସେତେବେଳେ ତାଙ୍କ ସ୍ୱାମୀ ତାଙ୍କୁ ସବୁ କଥା କହିଥିଲେ । ଆଇପିଏସ୍ ହେବା ପାଇଁ ସିଭିଲ ସର୍ଭିସ ପରୀକ୍ଷା ଦେବାକୁ ପଡେ ବୋଲି ତାଙ୍କ ସ୍ୱାମୀ କହିଥିଲେ । ଏବଂ ଅମ୍ବିକା ପରୀକ୍ଷା ଦେବା ପାଇଁ ସ୍ଥିର କରିଥିଲେ । ଅମ୍ବିକା ଦ୍ୱିତୀୟ ଥର ପାଠ ପଢ଼ିବା ଆରମ୍ଭ କଲେ । ଅମ୍ବିକା ସ୍କୁଲ ଛାଡ଼ି ଗୃହସ୍ଥି ସମ୍ଭାଳୁଥିଲେ । ହେଲେ ସେ ସ୍ଥିର କରିଥିଲେ କି ଆଇପିଏସ୍ ପରୀକ୍ଷା ଦେବା ସହ ପାସ୍ ବି କରିବେ । ସେ ଏକ ପ୍ରାଇଭେଟ କୋଚିଂ ସେଂଟରରେ ଦଶମ ପରୀକ୍ଷା ଏବଂ ପରେ ଡିସ୍ଟାଂସ ଗ୍ରାଜୁଏସନ୍ କରିଥିଲେ । ତାପରେ ସେ ଆଇପିଏସ ହେବାରେ ସଫଳତା ଲାଭ କରିଥିଲେ ।
