ସାଧାରଣତନ୍ତ୍ର ଦିବସରେ ଯୋଗ ଦେବନି ଓଡ଼ିଶା
ସାଧାରଣତନ୍ତ୍ର ଦିବସରେ ଯୋଗ ଦେବନି ଓଡ଼ିଶା
admin
5480
ଭୁବନେଶ୍ୱର: ଆସନ୍ତା ୨୦୨୧ ସାଧାରଣତନ୍ତ୍ର ଦିବସରୁ ବାଦ୍ ପଡିଛି ଓଡ଼ିଶାର ପ୍ରଜ୍ଞାପନ ମେଢ଼ । ଓଡ଼ିଶାର ଡିଜାଇନ ଚୟନ କମିଟିକୁ ଆକୃଷ୍ଟ କରିପାରିନାହିଁ । ଚତୁର୍ଥ ପର୍ଯ୍ୟାୟ ବୈଠକରେ ଓଡ଼ିଶାର ମେଢ଼ ସ୍ଥାନ ପାଇନାହିଁ । ସ୍ୱରାଷ୍ଟ୍ର ମନ୍ତ୍ରାଳୟ ଚିଠିରେ ସଂଲଗ୍ନ ତାଲିକାରୁ ଓଡ଼ିଶା ବାଦ ପଡ଼ିଥିବା ସୂଚନା ମିଳିଛି । ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ଓଡ଼ିଶାର ଶିଳ୍ପୀମାନଙ୍କ ଠାରୁ ପ୍ରଜ୍ଞାପନ ମେଢ଼ ମଡେଲ ଆବେଦନ ପାଇଁ ବିଜ୍ଞପ୍ତି ଜାରି ହୋଇଥିଲା । ବି.କେ ଆର୍ଟ କଲେଜ ଅଧ୍ୟକ୍ଷ, ଓଡ଼ିଶା ଲଳିତ କଳା ଏକାଡେମୀ ସଚିବ, ରାଜ୍ୟ ପ୍ରତ୍ନତତ୍ତ୍ୱ ଅଧୀକ୍ଷକ, ସଂସ୍କୃତି ନିଦେ୍ର୍ଧଶକ, ସୂଚନା ଓ ଲୋକସମ୍ପର୍କ ନିଦେ୍ର୍ଧଶକ ଓ ବୈଷୟିକ ଅଧିକାରୀ ଓଡ଼ିଶାରୁ ୮ ମଡେଲ ଚୟନ କରିଥିଲେ । ଚୂଡାନ୍ତ ପର୍ଯ୍ୟାୟରେ ଓଡିଶାରୁ ୪ଟି ସଂସ୍ଥା ପକ୍ଷରୁ ୮ଟି ମଡେଲକୁ ନୂଆଦିଲ୍ଲୀ ପଠାଯାଇଥିଲା । ତୃତୀୟ ବୈଠକରେ ଓଡ଼ିଶାର ଦୁଇ ପ୍ରଜ୍ଞାପନ ମେଢ଼ ସ୍ଥାନ ମଧ୍ୟ ପାଇଥିଲା । ଶ୍ରୀଜଗନ୍ନାଥଙ୍କ ନାଗାର୍ଜୁନ ବେଶ ଓ ବୌଦ୍ଧ ଐତିହ୍ୟ ବିଷୟ ଆଧାରିତ ଦୁଇ ମଡେଲ ସ୍ଥାନ ପାଇଥିଲା । ଏହି ଡିଜାଇନ ପରିବର୍ତ୍ତନ କରିବା ପାଇଁ କୁହାଯାଇଥିଲା । ମାତ୍ର ଆସନ୍ତା ୧୬ ତାରିଖ ନୂଆଦିଲ୍ଲୀରେ ବୈଠକ ପୂର୍ବରୁ ଯେଉଁ ୨୦ଟି ରାଜ୍ୟର ପ୍ରଜ୍ଞାପନ ମେଢ଼ ଚୟନ ହୋଇଥିବା ପପ୍ରକାଶ ପାଇଛି, ସେଥିରେ ଓଡ଼ିଶାର ସ୍ଥାନ ନାହିଁ । ଗତବର୍ଷ ସାଧାରଣତନ୍ତ୍ର ଦିବସରେ ଶ୍ରୀଲିଙ୍ଗରାଜଙ୍କ ରୁକୁଣା ରଥର ପ୍ରଜ୍ଞାପନ ମେଢ଼ ସ୍ଥାନ ପାଇବା ସହ ଦ୍ୱିତୀୟ ସ୍ଥାନ ଅଧିକାର କରିଥିଲା । ଏଥିସହ ଯୋଗ ଦେଇଥିବା ସାଂସ୍କୃତିକ ଦଳ ମଧ୍ୟ ପ୍ରଥମ ସ୍ଥାନ ଅଧିକାର କରିଥିଲା । ୨୦୧୬, ୨୦୧୭ ରେ ମଧ୍ୟ ଓଡ଼ିଶାର ପ୍ରଜ୍ଞାପନ ମେଢ଼ ସ୍ଥାନ ପାଇ ପ୍ରଶଂସିତ ହୋଇଥିଲା ।
