ବଦଳିବେ ପୁଲିସ ମହାନିର୍ଦ୍ଦେଶକ

Jul 13, 2019 - 05:20 Updated: Jul 13, 2019 - 05:20

6141

ଭୁବନେଶ୍ୱର: ପୁଲିସ ମହାନିର୍ଦ୍ଦେଶକ ବଦଳିବେ । ଡିଜି ଡାକ୍ତର ରାଜେନ୍ଦ୍ର ପ୍ରସାଦ ଶର୍ମାଙ୍କୁ ଲୋକୟୁକ୍ତ ସଦସ୍ୟ ଭାବେ ମନୋନିତ ହେବେ । ଏ ସଂକାନ୍ତ ଚୟନ କମିଟି ତାଙ୍କ ନାମ ରାଜ୍ୟପାଳଙ୍କୁ ସୁପାରିସ କରିଥିବା ବିଶ୍ୱସ୍ତ ସୂତ୍ରରୁ ସୂଚନା ମିଳିଛି । ରାଜଭବନରୁ ଏହି ଫାଇଲ ଫେରିବା ପରେ ଯେ କୌଣସି ମୁହୂର୍ତରେ ବିଧିବଦ୍ଧ ବିଜ୍ଞପ୍ତି ଜାରି ହୋଇପାରେ । ଏଥି ସହିତ ରାଜ୍ୟରେ ପୁଲିସ ଡିଜିପି ବଦଳିବା ଏକ ପ୍ରକାର ନିଶ୍ଚିତ ହୋଇଯିବ । ଡ. ଶର୍ମାଙ୍କ ସ୍ଥାନରେ ଡିଜିପି ଭାବେ ନିଯୁକ୍ତି ମିଳିବ ଏବଂ ଅସ୍ଥାୟୀ ଭାବେ କାହାକୁ ଇନଚାର୍ଜ ଡିଜି ଦାୟିତ୍ୱ ଦିଆଯିବ ସେ ନେଇ ସରକାରୀ ସ୍ତରେରେ କଳ୍ପନାଜଳ୍ପନା ଆରମ୍ଭ ହୋଇଗଲାଣି । ପ୍ରଥମ ଥର ପାଇଁ ଓଡିଶାରେ ଡିଜିପି ଚୟନ ସୁପ୍ରିମକୋର୍ଟଙ୍କ ନିର୍ଧାରିତ ପ୍ରଣାଳୀ ଅନୁସାରେ କରାଯିବ । ଲୋକସେବା ଆୟୋଗକୁ ଡିଜି ପାଇଁ ଯୋଗ୍ୟ ଅଫିସର ମାନଙ୍କର ଏକ ତାଲିକା ପଠାଇବେ । ଆୟୋଗ ପକ୍ଷରୁ ଗଠିତ ଚୟନ କମିଟି ଏଥିରୁ ତିନିଟି ନାମ ଚୟନ କରି ରାଜ୍ୟ ସରକାରଙ୍କୁ ପଠାଇବେ । ତିନି ଜଣଙ୍କ ମଧ୍ୟରୁ ଜଣଙ୍କୁ ଜଣଙ୍କୁ ଡିଜି ନିଯୁକ୍ତି ଦେବେ ।