ସାମ୍ବାଦିକଙ୍କୁ ମାଡ ନେଇ ଗୃହ ହୁଲସ୍ତୁଲ
ସାମ୍ବାଦିକଙ୍କୁ ମାଡ ନେଇ ଗୃହ ହୁଲସ୍ତୁଲ
admin
6421
ଭୁବନେଶ୍ୱର: ଆଜି ବିଧାନସଭାରେ ପ୍ରଶ୍ନକାଳ ସ୍ୱଭାବିକ ଚାଲିଥିବା ବେଳେ ଶୂନ୍ୟକାଳରେ କେନ୍ଦ୍ରାପଡ଼ାରେ ମାଡ଼ ଘଟଣା ନେଇ ହଟ୍ଟଗୋଳ ଦେଖାଦେଇଥିଲା । ତେଣୁ ବାଚସ୍ପତି ସୂର୍ଯ୍ୟପାତ୍ର ୧୫ମିନିଟ ଯାଏଁ ଗୃହକୁ ମୁଲତବୀ ଘୋଷଣା କରିଦେଇଥିଲେ ।
ଦୁଇଜଣ ପୂର୍ବତ୍ତନ ବିଜେଡ଼ି ମନ୍ତ୍ରୀଙ୍କ ଉପସ୍ଥିତିରେ ଏସପି ନୀତିଶ ଶେଖର ସାମ୍ବାଦିକଙ୍କୁ ମାଡ଼ ମାରିଛନ୍ତି । ଯାହା ଚତୁର୍ଥ ସ୍ତମ୍ଭ ପ୍ରତି ଅପମାନ ବୋଲି ଆଜି ଗୃହରେ ବିରୋଧି ଦଳ ପ୍ରଶ୍ନ କରିଥିଲା । ତେଣୁ ଏସପିଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ ଏବଂ ତାଙ୍କୁ ନିଲମ୍ବନ କରାଯାଉ ବୋଲି ବିରୋଧି ଦଳ ନେତା ପ୍ରଦୀପ୍ତ ନାୟକ କହିଥିଲେ । କଂଗ୍ରେସ ନେତା ତାରାପ୍ରସାଦ ବାହିନୀପତି ଏହା ଗଣତନ୍ତ୍ର ,ରାଜତନ୍ତ୍ର ନା ନବୀନତନ୍ତ୍ର ବୋଲି ଆକ୍ଷେପ କରିଥିଲେ । ତେଣୁ ବାଚସ୍ପତି କାର୍ଯ୍ୟାନୁଷ୍ଠାନ ନେଇ ନର୍ଦ୍ଦେଶ ଦିଅନ୍ତୁ ବୋଲି କହିଥିଲେ । ଏହି ପ୍ରସଙ୍ଗକୁ ନେଇ ବିରୋଧି ଦଳ ଗୃହରେ ହୋହାଲ୍ଲା କରିଥିଲେ । ବାଚସ୍ପତିଙ୍କ ରୁଲିଂ ବାଦୀ କରିଥିଲେ ବିରୋଧି ଦଳ ଉପନେତା ବିଷ୍ଣୁ ସେଠୀ । ବାଚସ୍ପତି ରୁଲିଂ ନ ଦେବାରୁ ଗୃହର ମଧ୍ୟ ଭାଗରେ ବିଜେପି ଦଳ ନେତା ଧାରଣାରେ ବସିବାରୁ ବାଚସ୍ପତି ସୂର୍ଯ୍ୟପାତ୍ର ୧୫ମିନିଟ ଯାଏଁ ଗୃହକୁ ମୁଲତବୀ ଘୋଷଣା କରିଥିଲେ ।
