ଶ୍ରମିକ ସଂଘ ପକ୍ଷରୁ ବିଜୁ ପଟ୍ଟନାୟକଙ୍କ ୨୨ ତମ ଶ୍ରାଦ୍ଧୋତ୍ସଵ ପାଳିତ
ଶ୍ରମିକ ସଂଘ ପକ୍ଷରୁ ବିଜୁ ପଟ୍ଟନାୟକଙ୍କ ୨୨ ତମ ଶ୍ରାଦ୍ଧୋତ୍ସଵ ପାଳିତ
admin
6356
ପାରାଦୀପ -ପାରାଦୀପ ର ଅଗ୍ରଣୀ ଶ୍ରମିକ ସଂଗଠନ ପୂର୍ବ ଭାରତ ତୈଳ ବିଶୋଧନାଗାର ଶ୍ରମିକ ସଂଘ ପକ୍ଷରୁ ବିଜୁ ପଟ୍ଟନାୟକଙ୍କ ୨୨ ତମ ବାର୍ଷିକ ଶ୍ରାଦ୍ଧୋତ୍ସଵ ବିଭିନ୍ନ କାର୍ଯ୍ୟକ୍ରମ ମଧ୍ୟରେ ସମାପିତ ହୋଇଛି। ଏପ୍ରିଲ ୧୭ ତାରିଖ ବୁଧବାର ଦିନ ପ୍ରାତଃ ମୁହୂର୍ତ୍ତରେ ମହୋଦଧି ରେ ତିଳ ତର୍ପଣ ,ଦେଵ ମନ୍ଦିର ରେ ଦୀପ ଦାନ, ପୂଜାର୍ଚ୍ଚନା କରାଯାଇଥିଲା । ପରେ ରାହାମା, କୁଜଙ୍ଗ ଓ ପାରାଦୀପ ସ୍ଥିତ ବିଜୁ ପଟ୍ଟନାୟକଙ୍କ ପ୍ରତିମୂର୍ତ୍ତି ରେ ମାଲ୍ୟାର୍ପଣ କରାଯାଇ କୁଜଙ୍ଗ ଓ ପାରାଦୀପ ସରକାରୀ ଡାକ୍ତରଖାନାରେ ରୋଗୀ ମାନଙ୍କୁ ଫଳ ବଣ୍ଟନ ,ବୃକ୍ଷ ରୋପଣ ଓ ଦରିଦ୍ର ନାରାୟଣ ସେବା କରାଯାଇ ଥିଲା।
ମଧ୍ୟାହ୍ନରେ ଜ଼ୀରୋ ପଏଣ୍ଟ ସ୍ଥିତ ସଂଘ କାର୍ଯ୍ୟାଳୟ ପରିସରରେ ଅୟୋଜିତ ସ୍ମୃତି ସଭାରେ ସଭାପତି ଶ୍ରୀ ସନ୍ତୋଷ କୁମାର ପଟ୍ଟନାୟକ ଅଧ୍ୟକ୍ଷତା କରିଥିଲେ । ସଂଘ ର ଉପ ସଭାପତି ଶ୍ରୀ ମନୀନ୍ଦ୍ର ଗୁରୁ, ପାରାଦୀପ ବନ୍ଦର କ୍ଷତିଗ୍ରସ୍ତ ଜମିହରା କୃଷକ ସଂଘ ସଭାପତି ଶ୍ରୀ ଚିନ୍ମୟ ଦାସ, ସମ୍ପାଦକ ଶ୍ରୀ ମିହିର କାନ୍ତ ସାହୁ, ଓ ବରିଷ୍ଠ ସଭ୍ୟ ଶ୍ରୀ ନେତ୍ରା ନନ୍ଦ ସାମଲ, କୁଜଙ୍ଗ ବ୍ଲକ ବିଜେଡି ଏସ. ସି. ସେଲ ଅଧ୍ୟକ୍ଷ ଶ୍ରୀ ଅଭିରାମ ସାମଲ ପ୍ରମୁଖ ସ୍ମୃତି ସଭା ରେ ଯୋଗ ଦେଇ ବିଜୁ ବାବୁଙ୍କ ଅସୀମ ବୀରତ୍ବ, ତ୍ୟାଗ ,ଦେଶ ପ୍ରେମ ଅଦ୍ୟମ ଦୁଃସାହସ ଓ ଓଡ଼ିଶା ପ୍ରତି ତାଙ୍କର ଅତୁଳନୀୟ ଅବଦାନ ସମ୍ପର୍କରେ ଅବଗତ କରାଇଥିଲେ।
ଶ୍ରୀ ଅରୁପ ପଟ୍ଟନାୟକ ଓ ଅଶୋକ କୁମାର ନାଥ ଉତ୍ସବ ପରିଚାଳନା କରିଥିଲେ।
