ପଶ୍ଚିମବଙ୍ଗ ପାଇଁ ବିଜେପିର ପ୍ରାର୍ଥୀ ତାଲିକା

Mar 19, 2021 - 11:06 Updated: Mar 19, 2021 - 11:06

3288

ନୂଆଦିଲ୍ଲୀ: ପଶ୍ଚିମବଙ୍ଗ ବିଧାନସଭା ନିର୍ବାଚନର ଶେଷ ୪ଟି ପର୍ଯ୍ୟାୟ ପାଇଁ ବିଜେପି ଗୁରୁବାର ଏକ ୧୪୮ ଜଣିଆ ପ୍ରାର୍ଥୀ ତାଲିକା ଜାରି କରିଛି । ସେ ଅନୁସାରେ ବରିଷ୍ଠ ବିଜେପି ନେତା ଓ ଦଳର ରାଷ୍ଟ୍ରୀୟ ଉପାଧ୍ୟକ୍ଷ ମୁକୁଲ ରୟ କୃଷ୍ଣନଗର ଉତ୍ତର ଆସନରୁ ଲଢ଼ିବେ । ପ୍ରାର୍ଥୀଙ୍କ ମଧ୍ୟରେ ରାହୁଲ ସିହ୍ନା, ଅସୀମ ସରକାର, ଜଗନ୍ନାଥ ସରକାରଙ୍କ ଭଳି ବରିଷ୍ଠ ନେତୃବୃନ୍ଦ ସାମିଲ ଅଛନ୍ତି । ଏମାନଙ୍କ ବ୍ୟତୀତ ଅଭିନେତ୍ରୀ ତନୁଶ୍ରୀ ଦତ୍ତା, ୧୧ ଜଣ ବିଧାୟକ ଓ ଜଣେ ସାଂସଦଙ୍କୁ ଦଳ ଟିକେଟ ଦେଇଛି । ନୂଆଦିଲ୍ଲୀରେ ଦଳର କେନ୍ଦ୍ରୀୟ ନିର୍ବାଚନ କମିଟି ବୈଠକରେ ପଶ୍ଚିମବଙ୍ଗ ନିର୍ବାଚନ ପାଇଁ ଏହି ପ୍ରାର୍ଥୀଙ୍କ ନାମ ଚୂଡାନ୍ତ ହୋଇଥିଲା । ସେପଟେ ପଶ୍ଚିମବଙ୍ଗ ବିଜେପି ଅଧ୍ୟକ୍ଷ ଦିଲ୍ଲୀପ ଘୋଷ ନିର୍ବାଚନ ଲଢ଼ିବେ ନାହିଁ ବୋଲି ଜଣାପଡ଼ିଛି । ସେ ପ୍ରଦେଶ ଅଧ୍ୟକ୍ଷ ହୋଇଥିବାରୁ ପାର୍ଟି ତାଙ୍କୁ ପୁରା ରାଜ୍ୟରେ ନିର୍ବାଚନ ପ୍ରଚାର ଦାୟିତ୍ୱ ଦେଇଥିବା ଜଣାପଡ଼ିଛି ।