କରୋନା ନେଲାଣି ୯୦୨ ମୁଣ୍ଡ, ୪୦ହଜାରରୁ ଅଧିକ ଆକ୍ରାନ୍ତ ।
କରୋନା ନେଲାଣି ୯୦୨ ମୁଣ୍ଡ, ୪୦ହଜାରରୁ ଅଧିକ ଆକ୍ରାନ୍ତ ।
admin
2590
ଚୀନରେ ସୃଷ୍ଟି ହୋଇଥିବା କରୋନା ଭାଇସର ସଂସ୍ପର୍ଶରେ ଆସି ଏଯାଏଁ ୯୦୨ ଜଣ ଲୋକଙ୍କର ମୃତ୍ୟୁ ହୋଇଥିବା ଗଣମାଧ୍ୟମର ରିପୋର୍ଟରୁ ଜଣାପଡ଼ିଛି । ମୃତକମାନଙ୍କ ମଧ୍ୟରୁ ୯୦୧ ଜଣ ଚୀନର ନାଗରିକ ହୋଇଥିଲା ବେଳେ ୨ ଜଣ ହଙ୍ଗକଙ୍ଗ ଓ ଫିଲିପାଇନ୍ସ ନାଗରିକ । ବିଶ୍ୱ ସ୍ୱାସ୍ଥ୍ୟ ସଂଗଠନ ତରଫରୁ ଗଣମାଧ୍ୟମକୁ ମିଳିଥିବା ତଥ୍ୟ ଅନୁସାରେ ୨୦୦୨ ଓ ୨୦୦୩ରେ ସାର୍ସ ସଂକ୍ରମଣ ଯୋଗୁଁ ୭୭୪ ଜଣ ଲୋକଙ୍କର ମୃତ୍ୟୁ ହୋଇଥିଲା ଏବଂ ୮୦୯୬ ଲୋକ ସଂକ୍ରମଣର ଶିକାର ହୋଇଥିଲେ । ହୁବେଇ ସହର କରୋନାଭାଇରସର କେନ୍ଦ୍ରସ୍ଥଳ ବୋଲି କୁହାଯାଉଛି ।
ହୁବେଇ ରାଜ୍ୟ ପ୍ରଶାସନ ତରଫରୁ କୁହାଯାଇଛି ଯେ, ୨ ହଜାରରୁ ଅଧିକ ନୂଆ ଲୋକ ସଂକ୍ରମଣର ଶିକାର ହୋଇଥିଲା ବେଳେ ରାଜ୍ୟରେ ଏହି ସଂଖ୍ୟା ୨୮ ହଜାରରୁ ଅଧିକ ହୋଇଛି । ସେହିଭଳି ସମଗ୍ର ଚୀନରେ ୪୦ ହଜାରରୁ ଅଧିକ ଲୋକ ସଂକ୍ରମଣର ଶିକାର ହୋଇଛନ୍ତି ।
ବିଶ୍ୱସ୍ୱାସ୍ଥ୍ୟ ସଂଗଠନର ରିପୋର୍ଟ ଅନୁସାରେ କରୋନା ଭାଇସର ଏବେ ୨୪ଟି ଦେଶକୁ ବ୍ୟାପିଛି । ବିଶ୍ୱର ୩୦୦ ଜଣ ନାଗରିକ ଏହି ସଂକ୍ରମଣର ଶିକାର ହୋଇଛନ୍ତି । ମୁଖ୍ୟତଃ ଏସିଆ ମହାଦେଶରେ କରୋନାଭାଇରସ ଅଧିକ ଭୟ ଦେଖାଯାଇଛି । କରୋନା ଭାଇରସ ଯୋଗୁଁ ୨ ଜଣ ଡାକ୍ତରଙ୍କ ମୃତ୍ୟୁ ହୋଇସାରିଛି ।
