ଏମସ ଡାକ୍ତରୀ ଛାତ୍ରଙ୍କ ଆତ୍ମହତ୍ୟା

Dec 9, 2020 - 10:07 Updated: Dec 9, 2020 - 10:07

2502

ଭୁବନେଶ୍ୱର: ଭୁବନେଶ୍ୱର ଏମସର ଜଣେ ଡାକ୍ତରୀ ଛାତ୍ର ଆତ୍ମ ହତ୍ୟା କରିଛନ୍ତି । ତାଙ୍କ ନାମ ପ୍ରବୀଣ କୁମାର । ଘର ତାମିଲନାଡୁ । ଖଣ୍ଡଗିରି ଥାନା ପୁଲିସ ପ୍ରବୀଣଙ୍କ ମୃତଦେହ ଜବତ କରିବା ସହ ଏକ ଅପମୃତୁ୍ୟ ମାମଲା ରୁଜୁ କରି ତଦନ୍ତ ଚଳାଇଛି । ପୁଲିସ ସୂଚନା ଅନୁଯାୟୀ, ପ୍ରବୀଣ ଏମସର ପ୍ରଥମ ବର୍ଷର ପିଜି ଛାତ୍ର । ସେ ଏମସ ହଷ୍ଟେଲରେ ରହୁଥିଲେ । ଗତକାଲି ରାତିରେ ସେ ଖାଇପିଇ ଶୋଇଥିଲେ । ସକାଳୁ ସେ ନ ଉଠିବାରୁ ହଷ୍ଟେଲ ଦାୟିତ୍ୱାରେ ଥିବା କର୍ମଚାରୀ କବାଟ ବାଡେଇଥିଲେ । କିନ୍ତୁ ସେ କବାଟ ଖୋଲି ନଥିଲେ । ତେଣୁ ଏ ନେଇ ଏମସ ଫାଣ୍ଡି ପୁଲିସକୁ ଖବର ଦିଆଯାଇଥିଲା । ପୁଲିସ ପହଞ୍ଚି କବାଟ ଭାଙ୍ଗି ଦେଖିବା ବେଳକୁ ପ୍ରବୀଣ ନିଶ୍ଚଳ ହୋଇ ତଳେ ପଡ଼ିଥିଲେ । ଅତ୍ୟଧିକ ଆନାସ୍ତେସିଆ ନେଇ ସେ ଆତ୍ମହତ୍ୟା କରିଥିବା ପୁଲିସ ତଦନ୍ତରୁ ଜଣାପଡ଼ିଛି । ତେବେ କେଉଁ କାରଣ ପାଇଁ ପ୍ରବୀଣ ଆତ୍ମହତ୍ୟା କଲେ ତାହା ସ୍ପଷ୍ଟ ହୋଇନାହିଁ ।