କଉଡ଼ିଆଙ୍କୁ ଠାବ କଲା ଅଗ୍ନିଶମ ଟିମ୍
ANGIKAR NEWS
ଗତକାଲି ସନ୍ଧ୍ୟା ସମୟରେ କଟକ ମହାନଦୀ ଗଡଗଡିଆ ଘାଟ ନିକଟରେ ବୋଲ ବମ ପାଣି ଉଠେଇଲା ବେଳେ ଜଣେ ଯୁବକ ବୁଡିଯାଇଥିଲେ । ମହାନଦୀରେ ବୁଡ଼ିଯାଇ ଥିବା ଯୁବକ ଜଣଙ୍କ ହେଉଛନ୍ତି ସୌମ୍ୟ ରଞ୍ଜନ। ବୟସ ୨୬ ବର୍ଷ। ତାଙ୍କ ଘର ପଞ୍ଚମୁଖୀ ହନୁମାନ କିଟ୍ ସ୍କୋୟର ପଟିଆ ଭୁବେଶ୍ୱର । ସଙ୍ଗେ ସଙ୍ଗେ ଅଗ୍ନିଶମ ବାହିନୀ ଦ୍ଵାରା ସର୍ଚ୍ଚ ଆରମ୍ଭ ହୋଇଥିଲା ହେଲେ ସୌମ୍ୟ ରଂଜନଙ୍କ ମୃତ ଦେହ ମିଳି ପାରି ନଥିଲା। ସକାଳୁ ମଧ୍ୟ ଓଡ୍ରାର୍ଫ ଏବଂ ଅଗ୍ନିଶମ ବାହିନୀ ଖୋଜିବା ଆରମ୍ଭ କରିଥିଲେ। ସନ୍ଧ୍ୟା ସମୟରେ ସୌମ୍ୟଙ୍କ ମୃତ ଦେହ ଚଉଳିଆଗଞ୍ଜ ଗାନ୍ଧୀପଲ୍ଲୀ ନିକଟରେ ପାଣିରେ ଭାସୁ ଥିବା ଅଗ୍ନିଶମ ଟିମ୍ ଠାବ କଲା। ଏହାପରେ ମୃତକଙ୍କ ପରିବାର ଲୋକ ଘଟଣା ସ୍ଥଳରେ ପହଞ୍ଚି ସୋମ୍ୟଙ୍କ ମୃତ ଦେହ ବୋଲି ଚିହ୍ନଟ କଲେ। ଖବର ପାଇ କ୍ୟାଣ୍ଟନମେଣ୍ଟ ଥାନା ପୋଲିସ୍ ଘଟଣା ସ୍ଥଳରେ ପହଞ୍ଚି ଅଗ୍ନିଶମ ବିଭାଗ ଠାରୁ ମୃତ ଦେହ ଜବତ କରି ଏସିବି ନେଇ ଯାଇଥିଲା। ସେଠାରେ ଡାକ୍ତର ମର ଶରୀରକୁ ବ୍ୟବଚ୍ଛେଦ ପାଇଁ ପଠାଥିଲେ। ସନ୍ଧ୍ୟା ହୋଇଯିବାରୁ ଆଜି ଶବ ବ୍ୟବଚ୍ଛେଦ ହୋଇ ନାହିଁ। ଆସନ୍ତା କାଲି ସୌମ୍ୟ ଙ୍କ ଶରୀରକୁ ବ୍ୟବଚ୍ଛେଦ କରାଯାଇ ପରିବାର ଲୋକଙ୍କୁ ହସ୍ତାନ୍ତର କରାଯିବ।
