କଟକ ମହାନଗର ନିଗମ ପକ୍ଷରୁ ଲୋକାର୍ପିତ ହୋଇଯାଇଛି କଟକ ବିଡାନାସୀ ଶ୍ମଶାନ |
ଏହି ଲୋକାର୍ପିତ କାର୍ଯ୍ୟକ୍ରମରେ କଟକ ମେୟର ସୁବାଷ ସିଂ, କଟକ-ବାରବାଟୀ ବିଧାୟିକା ସୋଫିଆ ଫିର୍ଦୋଷ, ମହାନଗର ନିଗମର କମିଶନର କିରଣଦୀପ କୌର ସହୋତା, ସ୍ଥାନୀୟ କର୍ପୋରେଟର ଏଵଂ ବହୁକର୍ମୀ ଯୋଗ ଦେଇଥିଲେ।
UBC Desk
8417
ପାଖାପାଖି କୋଟିଏ ଟଙ୍କାର ବ୍ୟୟରେ ନିର୍ମିତ ଏହି ଶ୍ମଶାନରେ ସମସ୍ତ ପ୍ରକାରର ସୁବିଧା ସୁଯୋଗ ପାଇବେ ସ୍ଥାନୀୟ ଲୋକେ । ତେବେ ଦୀର୍ଘ ଧରି ଏହି ଶ୍ମଶାନଟି ଅବହେଳିତ ହୋଇ ପଡ଼ି ରହିଥିବା ବେଳେ କଟକ ମହାନଗର ନିଗମ ଏହାର ପୁନରୁଦ୍ଧାର କରିଛି । ବର୍ତ୍ତମାନ ସୁଦ୍ଧା ଏହି ଶ୍ମଶାନ କାର୍ଯ୍ୟରେ ୬୮ ଲକ୍ଷ ଟଙ୍କା ଖର୍ଚ୍ଚ ହୋଇଥିବା ବେଳେ ଆଗକୁ ଏହାର ଉନ୍ନତି କରଣ ପାଇଁ ଆବଶ୍ୟକ ଅର୍ଥ ଦିଆଯିବ ବୋଲି କହିଛନ୍ତି ମେୟର ସୁବାଷ ସିଂ । ସେହିଭଳି ବାରବାଟୀ ବିଧାୟିକା ସୋଫିଆ କହିଛନ୍ତି ଭଲ ମଡେ଼ଲରେ ଏହା ନିର୍ମାଣ କରାଯାଇଛି । ଏବଂ ଆଗକୁ କିଭଳି ଏହାର ରକ୍ଷଣାବେକ୍ଷଣ କରାଯିବ ସେଥିପ୍ରତି ଧ୍ୟାନ ଦେବାର ଆବଶ୍ୟକତା ରହିଛି । ଆଗାମୀ ଦିନରେ ଲୋକଙ୍କ ସୁବିଧା ପାଇଁ ଏଠାରେ ବିଦ୍ୟୁତ୍ ଚାଳିତ ଚୁଲାରେ ଶବଦାହ କରାଯିବାର ସୁବିଧା ଯୋଗାଇ ଦିଆଯିବ ।
