୬ ଘଣ୍ଟାରେ ତିଆରି ହେବ ଘର

Aug 26, 2019 - 09:45 Updated: Aug 26, 2019 - 09:45

2833

ଇଟାଲିଆନ ସ୍ଥପତି ରିନାଟୋ ଭିଡାଲ ଗୃହ ନିର୍ମାଣ କ୍ଷେତ୍ରକୁ ଏକ ନୂଆ ଦିଗନ୍ତ ଦେଇଛନ୍ତି ତାଙ୍କ ଦ୍ୱାରା ବିକଶିତ ପଦ୍ଧତି ଏବଂ ଉପକରଣ ବ୍ୟବହାର ଦ୍ୱାରା ମାତ୍ର ଛଅ ଘଣ୍ଟାରେ ବାସ ଉପଯୋଗୀ ଘର ତିଆରି କରାଯାଇପାରିବ । ତିନି ଜଣ ତାଲିମ ପ୍ରାପ୍ତ ଶ୍ରମିକ ଏହି ସମୟ ଭିତରେ ଘର ଛିଡା କରାଇଦେବେ । ୨୯୦ ବର୍ଗ ଫୁଟ ଆକାରର ଘର ତିଆରିରେ ମୋଟ ଖର୍ଚ୍ଚ ହେବ ଭାରତୀୟ ମୁଦ୍ରାରେ ପ୍ରାୟ ତିରିଶ ଲକ୍ଷ ଟଙ୍କା । ଘର ଦୁଇ ମହଲା ହେବ । ସେଥିରେ ଶୟନ କକ୍ଷ ସହ ରୋଷେଇ ଘର, ଭୋଜନ କକ୍ଷ, ଶୌଚାଳୟ ଆଦି ରହିବ । ଏହା ଭୂମିକମ୍ପ ନିରୋଧୀ ଘର । ଘର ତିଆରି ସରୁ ସରୁ ବାସ କରିହେବ । ଏହା ଏକ ପ୍ରକାରର ରେଡିମେଡ ଓ ଫୋଲଡିଂ ଘର । ଅର୍ଥାତ ଭବିଷ୍ୟତରେ ମାଲିକ ଇଚ୍ଛା କଲେ ସମ୍ପୂର୍ଣ୍ଣ ଭାବେ ଖୋଲି ଦେଇ ଅନ୍ୟତ୍ର ବସାଇ ପାରିବେ ।