୪ଟି ବୁଥରେ ହେବ ସାନି ମତଦାନ
୪ଟି ବୁଥରେ ହେବ ସାନି ମତଦାନ
admin
1760
ଭୁବନେଶ୍ୱର: ରାଜ୍ୟରେ ଦ୍ୱିତୀୟ ପର୍ଯ୍ୟାୟ ନିର୍ବାଚନ ଲାଗି ଜାରି ରହିଛି ମତଦାନ। ଏହି ପର୍ଯ୍ୟାୟରେ ୫ ଲୋକ ସଭା ଓ ୩୫ ବିଧାନସଭା ଲାଗି ଭୋଟ ଗ୍ରହଣ କରାଯାଉଛି। ତେବେ ପ୍ରଥମ ପର୍ଯ୍ୟାୟ ଭଳି ଏଥର ମଧ୍ୟ ନିର୍ବାଚନରେ ତ୍ରୁଟି ପରିଲକ୍ଷିତ ହୋଇଛି। ୪ଟି ବୁଥରେ ହେବ ସାନି ନିର୍ବାଚନ । ଦ୍ୱିତୀୟ ପର୍ଯ୍ୟାୟ ଭୋଟ ଗ୍ରହଣ ପରିପ୍ରେକ୍ଷୀରେ ଦୁଇଟି ନିର୍ବାଚନ ମଣ୍ଡଳୀର ୪ଟି ବୁଥରେ ଇଭିଏମରେ ତ୍ରୁଟି ଦେଖାଦେଇଥିଲା । ତ୍ରୁଟି ପରେ ଏହି ବୁଥରେ ସାନି ନିର୍ବାଚନ ପାଇଁ ସୁପାରିଶ କରାଯିବ ବୋଲି ମୁଖ୍ୟ ନିର୍ବାଚନ ଅଧିକାରୀ ସୁରେନ୍ଦ୍ର କୁମାର ।
ଶ୍ରୀ କୁମାର କହିଛନ୍ତି ଯେ, ୪ଟି ବୁଥରେ ସାନି ନିର୍ବାଚନ ପାଇଁ ସୁପାରିଶ କରାଯିବ । ସୁନ୍ଦରଗଡ଼ ବିଧାନସଭାର ୨୧୩ ନମ୍ବର ବୁଥ, ବଣାଇ ବିଧାନସଭାର ୧୨୯ ନମ୍ବର ବୁଥ, ଦଶପଲ୍ଲା ବିଧାନସଭାର ୨୧୦ ଓ ୨୨ ନମ୍ବର ବୁଥରେ ସାନି ନିର୍ବାଚନ ପାଇଁ ସୁପାରିଶ କରାଯିବ ।
ଏହାଛଡ଼ା ମେସିନ ନୁହେଁ, ନିର୍ବାଚନ କର୍ମଚାରୀଙ୍କ ତ୍ରୁଟି ଥିଲା । ପ୍ରଥମେ ମେସିନରେ ତ୍ରୁଟି ଥିଲା । ତାକୁ ଠିକଭାବେ ବଦଳାଯାଇନଥିଲା । ଏମପି ସ୍ଥାନରେ ଏମଏଲଏ ମେସିନ ଲଗାଇ ଦିଆଯାଇଥିଲା । ମନୁଷ୍ୟକୃତ ତ୍ରୁଟି ପାଇଁ ସମ୍ପୃକ୍ତ କର୍ମଚାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ସେ କହିଛନ୍ତି ।
