୧୬ରେ କଂଗ୍ରେସର ପ୍ରଥମ ପର୍ଯ୍ୟାୟ ପ୍ରାର୍ଥୀ ତାଲିକା
୧୬ରେ କଂଗ୍ରେସର ପ୍ରଥମ ପର୍ଯ୍ୟାୟ ପ୍ରାର୍ଥୀ ତାଲିକା
admin
3893
ଭୁବନେଶ୍ୱର : ଆସନ୍ତା ୧୬ରେ କଂଗ୍ରେସର ପ୍ରଥମ ପର୍ଯ୍ୟାୟ ପ୍ରାର୍ଥୀ ତାଲିକା ପ୍ରକାଶ ପାଇବ । ଏନେଇ ସୂଚନା ଦେଇଛନ୍ତି କାର୍ଯ୍ୟକାରୀ ସଭାପତି ପ୍ରଦୀପ ମାଝୀ । ଆସନ୍ତା ୧୬ରେ ଦିଲ୍ଲୀରେ ସ୍କି୍ରନିଂ କମିଟି ବୈଠକ ବସିବ । ସେହିଦିନ ହିଁ ତାଲିକା ପ୍ରକାଶ ପାଇବ ବୋଲି ଆଶା କରାଯାଉଛି ।
ଅପ୍ରେଲ ୧୧ରେ ଓଡ଼ିଶାରେ ପ୍ରଥମ ପର୍ଯ୍ୟାୟ ନିର୍ବାଚନ ହେବ । ପ୍ରଥମ ପର୍ଯ୍ୟାୟ ନିର୍ବାଚନରେ କଳାହାଣ୍ଡି, ନବରଙ୍ଗପୁର, ବ୍ରହ୍ମପୁର ଓ କୋରାପୁଟ ଲୋକସଭା ଓ ଏହା ଅନ୍ତର୍ଗତ ବିଧାନସଭା ନିର୍ବାଚନ ଅନୁଷ୍ଠିତ ହେବ । ତେବେ ଏଥିପାଇଁ ମାର୍ଚ୍ଚ ୧୮ରୁ ପ୍ରାର୍ଥୀ ପତ୍ର ଦାଖଲ ପ୍ରକ୍ରିୟା ଆରମ୍ଭ ହେବ । ତେଣୁ ୧୬ରେ ହିଁ ଦଳ ଟିକେଟ ଘୋଷଣା କରିବ ବୋଲି କଂଗ୍ରେସ ଅଳିନ୍ଦରେ ଚର୍ଚ୍ଚା ଜୋରଧରିଛି । ମିଳିଥିବା ସୂଚନାନୁଯାୟୀ ବ୍ରହ୍ମପୁରକୁ ଛାଡ଼ିଦେଲେ ବାକି ତିନି ଲୋକସଭା ଆସନ ପାଇଁ ସାଂସଦ ପ୍ରାର୍ଥୀ ଚୟନ ଶେଷ ହୋଇଛି । ଦଳର ହେଭିୱେଟ ନେତା ଭକ୍ତଚରଣ ଦାସ କଳାହାଣ୍ଡିରୁ ପ୍ରାର୍ଥୀ ହେବାର ଥିବାବେଳେ ନବରଙ୍ଗପୁର ଟାଣୁଆ ଯୁବ ନେତା ପ୍ରଦୀପ ମାଝୀ ଲଢ଼ିବା ନିଶ୍ଚିତ ହୋଇସାରିଛି । ସେହିପରି କୋରାପୁଟ ଆସନରୁ ସପ୍ତଗିରି ଉଲାକା ଲଢ଼ିବେ ବୋଲି ଜାଣିବାକୁ ମିଳିଛି । ତେବେ ବ୍ରହ୍ମପୁରର ପ୍ରାର୍ଥୀ ଚୟନ ଶେଷ ହୋଇପାରିନାହିଁ ।
