୧୦ ଲକ୍ଷ ଲାଗି ଭାଇକୁ ଅପହରଣ, ହତ୍ୟା

Apr 27, 2022 - 04:55 Updated: Apr 27, 2022 - 04:55

3517

ଟିଟିଲାଗଡ: ଟଙ୍କା ପାଇ ମଣିଷ ଭୁଲି ଯାଇଛି ମଣିଷ ପଣିଆ। ଭୁଲିଯାଉଛି ସଂପର୍କ । ସାନ ଭାଇ ବଡଭାଇର ସଂପୂର୍ଣ୍ଣ ପରିବାରକୁ ମାରିଦେଇଥିବା ଘଟଣା ସାରା ରାଜ୍ୟରେ ଚହଳ ପକାଇଥିଲା । ତେବେ ଆଜି ଆଉ ଏକ ଘଟଣା ସାମ୍ନାକୁ ଆସିଛି । ସଂପର୍କୀୟ ଭାଇକୁ ଅପହରଣ କରି ଭାଇ ହତ୍ୟା କରିଥିବା ଅଭିଯୋଗ ହୋଇଛି । ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ଟିଟିଲାଗଡରେ ।

ସୂଚନା ଅନୁସାରେ ମୃତ ନାବାଳକ ଜଣଙ୍କ ଗତ ୨୩ ତାରିଖରେ ସଂପର୍କୀୟ ଭାଇ ଦ୍ୱାରା ଅପହରଣ ହୋଇଥିବା ଅଭିଯୋଗ ହୋଇଥିଲା । ସଂପର୍କୀୟ ଭାଇ ୧୦ ଲକ୍ଷ ନଦେଲେ ହତ୍ୟା କରିବ ବୋଲି ହ୍ୱାଟ୍ସଆପ ମେସେଜ କରିଥିଲା । ଅପହରଣ ଅଭିଯୋଗ ପରେ ପୋଲିସ୍ ଅଭିଯୁକ୍ତକୁ ଅଟକ ରଖିଥିଲା । ତେବେ ଆଜି ଟିଟିଲାଗଡ ସିରଭଟାପଡାରୁ ଅପହୃତ ନାବାଳକର ମୃତ ଦେହ ଉଦ୍ଧାର ହୋଇଛି । ସିକେର୍ ଜଂଗଲରୁ ଗଳିତ ଅବସ୍ଥାରେ ମୃତ ଦେହ ଉଦ୍ଧାର ହୋଇଥିବା ସୂଚନା ମିଳିଛି । ଏଥିପାଇଁ ପରିବାରରେ ଶୋକର ଛାୟା ଖେଳିଯାଇଛି । ପୋଲିସ୍ ଘଟଣାସ୍ଥଳରେ ପହଂଚି ଘଟଣାର ତଦନ୍ତ ଆରମ୍ଭ କରିଛି ।