ସ୍ମାର୍ଟଫୋନ ବ୍ୟବହାର କରିପାରିବେନି ସିଆରପିଏଫ ଯବାନ!
ସ୍ମାର୍ଟଫୋନ ବ୍ୟବହାର କରିପାରିବେନି ସିଆରପିଏଫ ଯବାନ!
admin
2641
ନୂଆଦିଲ୍ଲୀ : ଗୁରୁବାର ସିଆରପିଏଫ୍ ପକ୍ଷରୁ ଏକ ନୂତନ ମାର୍ଗଦର୍ଶିକା ଜାରି କରାଯାଇଛି । ଏହି ନୂତନ ନିୟମ ଫଳରେ ଏଣିକି ସିଆରପିଏଫ୍ ଯବାନ ମାନେ ସ୍ମାର୍ଟଫୋନ୍ ବ୍ୟବହାର କରିପାରିବେ ନାହିଁ । ତେବେ ସମସ୍ତ ସିଆରପିଏଫ୍ ଯବାନଙ୍କ ଉପରେ ଏହି କଟକଣା ଲାଗୁ କରାଯାଇ ନାହିଁ । କେବଳ ସମ୍ବେଦନଶୀଳ ଅଞ୍ଚଳରେ କାର୍ଯ୍ୟ କରୁଥିବା ଯବାନ ମାନଙ୍କର ସ୍ମାର୍ଟ ଫୋନ୍ ବ୍ୟବହାର ଉପରେ କଟକଣା ଜାରି କରାଯାଇଛି । ବିଭିନ୍ନ ତଥ୍ୟ ଏବଂ ରେକର୍ଡ ରଖାଯାଉଥିବା ସ୍ଥାନ ଗୁଡିକରେ ଏହି କଟକଣା ଜାରି କରାଯାଇଛି । ତେବେ ଯଦି କୌଣସି ଅଧିକାରୀ ସ୍ମାର୍ଟଫୋନ୍ ଆଣିଥାନ୍ତି ତେବେ ଏହାକୁ ଅନ୍ୟ ଏକ ସ୍ୱତନ୍ତ୍ର କାଉଣ୍ଟରରେ ରଖାଯିବ ବୋଲି କୁହାଯାଇଛି । ରାଷ୍ଟ୍ରୀୟ ସୁରକ୍ଷା ସହିତ ସାଲିଶ ନ କରିବା ପାଇଁ ଏହି ନୂତନ ନିୟମ ପ୍ରଣୟନ କରାଯାଇଛି ବୋଲି ସିଆରପିଏଫ ପକ୍ଷରୁ କୁହାଯାଇଛି ।
