ଲୋକପ୍ରିୟ ଟେଲି କଳାକାର ସମୀର ଶର୍ମାଙ୍କ ଆତ୍ମହତ୍ୟା
ଲୋକପ୍ରିୟ ଟେଲି କଳାକାର ସମୀର ଶର୍ମାଙ୍କ ଆତ୍ମହତ୍ୟା
admin
5189
ମୁମ୍ବାଇ : କରୋନା ସଂକଟ ସମୟରେ ବଲିଉଡ୍ ଓ ଛୋଟ ପରଦାର ବହୁ କଳାକାର ଅବସ୍ଥା ଏବେ ସଂକଟାପନ୍ନ ହୋଇଛି । ଏପରି ସମୟରେ ବହୁ କଳାକାର ଜୀବନ ହାରିବା ପରି ଚରମ ନିଷ୍ପତ୍ତି ନେଉଛନ୍ତି । ଅଭିନେତା ସୁଶାନ୍ତ ସିଂ ରାଜପୁତ୍ଙ୍କ ମୃତ୍ୟୁ ମାମଲା ଥମି ନଥିବାବେଳେ ଆଉ ଜଣେ ଛୋଟପରଦାର ଲୋକପ୍ରିୟ କଳାକାର ଆତ୍ମହତ୍ୟା କରିଥିବାର ସୂଚନା ରହିଛି । ମିଳିଥିବା ସୂଚନା ଅନୁସାରେ ଟିଭି ଅଭିନେତା ସମୀର ଶର୍ମା ଆତ୍ମହତ୍ୟା କରିଛନ୍ତି । ମୁମ୍ବାଇଠାରେ ଆତ୍ମହତ୍ୟା କରିଥିବା ଏହି ଅଭିନେତାଙ୍କ ବୟସ ୪୪ ବର୍ଷ । ବୁଧବାର ରାତ୍ରି ପଶ୍ଚିମ ମଲାଡ ସ୍ଥିତ ନେହା ସିଏଚଏସ୍ ବିଲିଡିଂରେ ନିଜ ଘରେ ଫାଶୀ ଲଗାଇ ଆତ୍ମହତ୍ୟା କରିଛନ୍ତି । ଏହି ବର୍ଷ ଫେବୃଆରୀରେ ସମୀର୍ ଆପାର୍ଟମେଣ୍ଟକୁ ଭଡାରେ ନେଇଥିଲେ । ସମୀର ଟେଲିଭିଜନର ଲୋକପ୍ରିୟ ଧାରାବାହିକ ‘କ୍ୟୁଁ କି ଶାଶ୍ ଭି କଭୀ ବୋହୂ ଥୀ’, ‘ କାହାନୀ ଘର୍ ଘର୍ କୀ’ରେ ଅଭିନୟ କରିଥିଲେ । ଏହି ଅଭିନେତା ଜଣକ ‘ଗୀତ୍ - ହୁଇ ସବ୍ସେ ପରାୟୀ’, ‘ଜ୍ୟୋତି’, ‘ଇସ୍ ପ୍ୟାର୍ କୋ କ୍ୟା ନାମ୍ ଦୁ-’ ସିଜିନ୍ -୨ରେ ଅଭିନୟ କରିଥିଲେ । ନିକଟରେ ପ୍ରସାରିତ ହେଉଥିବା ୟେ ରିସ୍ତେ ହୈ ପ୍ୟାର୍ କେରେ କୁହୁର ପିତା ଚରିତ୍ରରେ ନଜର ଆସୁଥିଲେ।
