ୟୁଏସ୍ ଓପନ୍ ମୁଖ୍ୟ ଡ୍ରରେ ସୁମିତ୍ ନାଗଲ୍

Aug 6, 2020 - 07:54 Updated: Aug 6, 2020 - 07:54

5936

ନ୍ୟୁୟର୍କ : ଭାରତୀୟ ଯୁବ ଟେନିସ ଖେଳାଳି ସୁମିତ୍ ନାଗଲ ୟୁଏସ୍ ଓପନ୍ ମୁଖ୍ୟ ଡ୍ରରେ ସାମିଲ ହୋଇଛନ୍ତି । ଏକାଧିକ ଟପ୍ସିଡ୍ ଖେଳାଳି ଓହରିବା କାରଣରୁ ସୁମିତ୍ ସିଧାସଳଖ ଯୋଗ୍ୟତା ହାସଲରେ ସଫଳ ହୋଇଛନ୍ତି । ରାଫେଲ ନାଦାଲ, ରୋଜର ଫେଡେରର, ଷ୍ଟାନ ୱାରିୟାଙ୍କା ଏବଂ ନିକ୍ କିର୍ଗିଓସ୍ଙ୍କ ପରି ଖେଳାଳି ଓହରି ଯିବାରୁ ବିଶ୍ୱ ମାନ୍ୟତାର ୧୨୮ ନମ୍ବର ପର୍ଯ୍ୟନ୍ତ ଖେଳାଳିଙ୍କୁ ସିଧାସଳଖ ଯୋଗ୍ୟତା ହାସଲର ସୁଯୋଗ ମିଳିଥିଲା । ବିଶ୍ୱ ମାନ୍ୟତାରେ ୧୨୭ ନମ୍ବର ସ୍ଥାନରେ ରହିଥିବା ନାଗଲ ଯୋଗ୍ୟତା ହାସଲ କରିଥିବା ବେଳେ ଅନ୍ୟତମ ଖେଳାଳି ପ୍ରଜ୍ନେଶ ଗୁଣେଶ୍ୱରନ୍ (୧୩୩) ଯୋଗ୍ୟତା ହାସଲରେ ବିଫଳ ହୋଇଛନ୍ତି । ଗତବର୍ଷ ପ୍ରଥମ ଥର ପାଇଁ ୟୁଏସ୍ ଓପନ୍ ଖେଳୁଥିବା ନାଗଲ୍ ପ୍ରଥମ ମୁକାବିଲାରେ ଫେଡେରରଙ୍କ ସମ୍ମୁଖୀନ ହେବା ସହିତ କଡା ଟକ୍କର ଦେଇଥିଲେ । ଏହି ମୁକାବିଲାରେ ନାଗଲ ୬-୪, ୧-୬, ୨-୬, ଏବଂ ୪-୬ ସେଟ୍ରେ ପରାଜିତ ହୋଇଥିଲେ ।