ଲାଲୁପ୍ରସାଦ ଯାଦବଙ୍କ ଉପରୁ ଝାଡ଼ଖଣ୍ଡ ହାଇକୋର୍ଟ ବାକି ଥିବା ଜେଲ ଅବଧିକୁ ହଟାଇ ନେଲେ
ଲାଲୁପ୍ରସାଦ ଯାଦବଙ୍କ ଉପରୁ ଝାଡ଼ଖଣ୍ଡ ହାଇକୋର୍ଟ ବାକି ଥିବା ଜେଲ ଅବଧିକୁ ହଟାଇ ନେଲେ
admin
5625
ରାଞ୍ଚି: ଗୋଖାଦ୍ୟ ଦୁର୍ନୀତି ସଂକ୍ରାନ୍ତ ଦୁମକା ଟ୍ରେଜେରି ମାମଲାରେ ବନ୍ଦୀ ଜୀବନ ବିତାଉଥିବା ଆରଜେଡି ନେତା ତଥା ବିହାରର ପୂର୍ବତନ ମୁଖ୍ୟମନ୍ତ୍ରୀ ଲାଲୁପ୍ରସାଦ ଯାଦବଙ୍କ ଉପରୁ ଝାଡ଼ଖଣ୍ଡ ହାଇକୋର୍ଟ ବାକି ଥିବା ଜେଲ ଅବଧିକୁ ହଟାଇ ନେଇଛନ୍ତି । ଫଳରେ ସେ ଏବେ ବନ୍ଦୀମୁକ୍ତ ଜୀବନ ଯାପନ କରିପାରିବେ ବୋଲି କୁହାଯାଉଛି । ଏଥିରେ ଖୁସି ପ୍ରକଟ କରି ତାଙ୍କ ବଡ଼ ପୁଅ ତେଜପ୍ରତାପ ଯାଦବ କହିଛନ୍ତି ଯେ ଏବେ ଗରିବ ତଥା ଦଳିତମାନଙ୍କର ଭଗବାନ ଫେରୁଛନ୍ତି । ଯେଉଁମାନେ ତାଙ୍କ ପ୍ରତି ଅନ୍ୟାୟ କରିଛନ୍ତି, ସେମାନଙ୍କୁ ଏହି ଲେଉଟାଣୀ ସମ୍ପର୍କରେ ଜଣାଇ ଦେବାକୁ ତେଜପ୍ରତାପ ସମ୍ପ୍ରତି ନୂଆଦିଲ୍ଲୀ ସ୍ଥିତ ଏମସରେ ଚିକିତ୍ସାଧୀନ ଥିବା ଶ୍ରୀ ଯାଦବଙ୍କୁ ଆବଶ୍ୟକ ଔପଚାରିକ ପ୍ରକି୍ରୟା ସମ୍ପନ୍ନ ପରେ ଆସନ୍ତା ସପ୍ତାହରେ ମୁକ୍ତ କରାଯିବ ବୋଲି ଜଣାଯାଇଛି । ତେବେ ବୃକକ ସମସ୍ୟା ଓ ହୃତପିଣ୍ଡ ସମସ୍ୟା ସମେତ ଅନ୍ୟାନ୍ୟ ରୋଗରେ ପୀଡ଼ିତ ଥିବା ଲାଲୁଙ୍କୁ ଏହା ପରେ ବିହାରର ପାଟଣା ସ୍ଥିତ ତାଙ୍କ ବାସଭବନକୁ ଅଣାଯିବ ନା ନାହିଁ ତାହା ଏମସ ଡାକ୍ତରଙ୍କ ପରାମର୍ଶ ଉପରେ ନିର୍ଭର କରୁଛି ବୋଲି ତାଙ୍କ ସାନ ପୁଅ ତଥା ବିହାର ବିଧାନସଭାର ବିରୋଧୀ ଦଳ ନେତା ତେଜସ୍ୱୀ ଯାଦବ କହିଛନ୍ତି ।
