ଭୁବନେଶ୍ୱରରୁ ଆଉ ୨୪୮ ଆକ୍ରାନ୍ତ ଚିହ୍ନଟ
ଭୁବନେଶ୍ୱରରୁ ଆଉ ୨୪୮ ଆକ୍ରାନ୍ତ ଚିହ୍ନଟ
admin
5265
ଭୁବନେଶ୍ୱର : ଭୁବନେଶ୍ୱରରୁ ଆଉ ୨୪୮ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ସେମାନଙ୍କ ମଧ୍ୟରୁ କ୍ୱାରେଂଟାଇନରେ ୨୦୭ ଥିବାବେଳେ ସ୍ଥାନୀୟ ସଂସ୍ପର୍ଶରେ ଆସି ୪୧ ଜଣ ସଂକ୍ରମିତ ହୋଇଛନ୍ତି । ଫଳରେ ଭୁବନେଶ୍ୱରରେ ମୋଟ ଆକ୍ରାନ୍ତଙ୍କ ସଂଖ୍ୟା ୧୭୧୭ରେ ପହଁଚିଥିବାବେଳେ ସେମାନଙ୍କ ମଧ୍ୟରୁ ୮୩୪ ଜଣ ସୁସ୍ଥ ହୋଇଛନ୍ତି । ଅପରପକ୍ଷରେ ୧୧ ଜଣ ମୃତୁ୍ୟବରଣ କରିଥିବାବେଳେ ୮୭୦ ଜଣ ଚିକିତ୍ସିତ ହେଉଛନ୍ତି ।
କରୋନା ଆକ୍ରାନ୍ତ ଚିହ୍ନଟ ହେବା ପରେ ବିଏମସି ପକ୍ଷରୁ କଂଟାକ୍ଟ ଟ୍ରେସିଂ କରାଯାଉଛି । ଆକ୍ରାନ୍ତଙ୍କ ଘର ଆଖପାଖ ଅଂଚଳର ଲୋକମାନଙ୍କୁ କ୍ୱାରେଂଟାଇନରେ ରହିବାକୁ ପରାମର୍ଶ ଦିଆଯାଇଥିବାବେଳେ ସାନିଟାଇଜ ବି କରାଯାଉଛି ।
ଗୁରୁତ୍ୱପୂର୍ଣ୍ଣ ସୂଚନାଟି ହେଉଛି ପୂର୍ବରୁ ଚିହ୍ନଟ କରୋନା ଆକ୍ରାନ୍ତଙ୍କ ସଂସ୍ପର୍ଶରେ ଆସି ନୟାପଲ୍ଲୀ ସୀତାପୁର ବସ୍ତିର ୨୦ ଜଣ ଆକ୍ରାନ୍ତ ହୋଇଛନ୍ତି । ସେହିପରି ବେସରକାରୀ ମେଡ଼ିକାଲର ୨୭ ଜଣଙ୍କ ଠାରେ ପଜିଟିଭ ଆସିଛି । ସେମାନେ ପୂର୍ବରୁ ଚିହ୍ନଟ କରୋନା ଆକ୍ରାନ୍ତଙ୍କ ସଂସ୍ପର୍ଶରେ ଆସିଥିଲେ । ଅପରପକ୍ଷରେ ବିଜେପି ନଗର ନିକଟସ୍ଥ ମହିଷାଖାଲ ବସ୍ତିର ୪୫ ଜଣ କରୋନାରେ ଆକ୍ରାନ୍ତ ହୋଇଛନ୍ତି ।
