ନିଖୋଜ ନାବାଳିକା ଉଦ୍ଧାର

Mar 10, 2019 - 09:39 Updated: Mar 10, 2019 - 09:39

2483

ସୁନ୍ଦରଗଡ: କିଛି ଦିନ ହେଲା ସୁନ୍ଦରଗଡରେ ନାବାଳିକା ନିଖୋଜ ଥିଲେ । ଉତ୍ତରପ୍ରଦେଶରୁ ଉଦ୍ଧାର ହେଲା ନିଖୋଜ ଥିବା ନାବାଳିକା । ପୋଲିସ କିଛି ଦିନ ଖୋଜା ଖୋଜି କରିଥିଲେ । ୧୨ ଦିନ ପରେ ନାବାଳିକାକୁ ଉତ୍ତରପ୍ରଦେଶ ମୁଜାଫରନଗରରୁ ଉଦ୍ଧାର କରିବାରେ ସଫଳ ହୋଇଛି ସୁନ୍ଦରଗଡ ପୋଲିସ । ନାବାଳିକାକୁ ୬୦ ହଜାର ଟଙ୍କାରେ ବିକ୍ରି କରାଯାଇଥିବା ପୋଲିସ କହିଛି । ସୂଚନା ଅନୁସାରେ ଗତ ଫେବୃଆରୀ ୨୫ରେ ଲେଫ୍ରିପଡା ଥାନା ଅଞ୍ଚଳର ଜଣେ ନାବାଳିକା ନିଖୋଜ ନେଇ ଅଭିଯୋଗ ହୋଇଥିଲା । ତେବେ ନାବାଳିକାର ଜଣେ ସମ୍ପର୍କୀୟ ତାକୁ ଜଣେ ଦମ୍ପତିଙ୍କୁ ଦେଇଥିଲେ । ସେହି ଦମ୍ପତି ନାବାଳିକାକୁ ୬୦ ହଜାର ଟଙ୍କାରେ ମୁଜାଫରନଗରର ଜଣେ ବ୍ୟକ୍ତିଙ୍କୁ ବିକ୍ରି କରି ଦେଇଥିଲେ । ମ୍ପର୍କୀୟଙ୍କୁ ଜେରା କରିବା ପରେ ପୋଲିସ ଉତ୍ତରପ୍ରଦେଶରୁ ନାବାଳିକାକୁ ଉଦ୍ଧାର କରିଛି । ମହିଳାଙ୍କ ସମେତ ସମ୍ପୃକ୍ତ ଦମ୍ପତିଙ୍କୁ ଗିରଫ କରିଛି ସୁନ୍ଦରଗଡ ପୋଲିସ ।