ନର୍ସି ଛାତ୍ରୀଙ୍କୁ ଦୁଷ୍କର୍ମ ପରେ ହତ୍ୟା

Dec 19, 2020 - 09:02 Updated: Dec 19, 2020 - 09:02

3285

ଗୌହାଟୀ : ଆସାମର ଜଣେ ୧୯ ବର୍ଷୀୟା ନର୍ସି ଛାତ୍ରୀଙ୍କୁ ବୁଧବାର ବେଙ୍ଗାଲୁରୁରେ ଦୁଷ୍କର୍ମ ପରେ ହତ୍ୟା କରାଯାଇଥିବା ଅଭିଯୋଗ ହୋଇଛି । ପିଡିତା ଛାତ୍ରୀଙ୍କୁ ମେଡିକାଲ ନେଇଥିବା ତଥା ଘଟଣା ମୁଖ୍ୟ ଅଭିଯୁକ୍ତ ବୋଲି ଧରାଯାଇଥିବା ଅନିସୁର ରେହମାନ ନାମକ ଜଣେ ୨୧ ବର୍ଷୀୟ ଯୁବକକୁ ପୁଲିସ ଗିରଫ କରିଛି । ସମ୍ପୃକ୍ତ ଅଭିଯୁକ୍ତକୁ ପୀଡିତା ଜଣକ ଜାଣିଥିଲେ ଏବଂ ସେ ତାଙ୍କୁ ମୃତ ଅବସ୍ଥାରେ ଡାକ୍ତରଖାନାକୁ ନେଇଥିବା ଅଭିଯୋଗ ହୋଇଛି । ପୁଲିସ ସୂଚନା ଅନୁଯାୟୀ, ଛାତ୍ରୀ ଜଣକ ବେଙ୍ଗାଲୁରୁ ସ୍ଥିତ ଇଷ୍ଟ ୱେଷ୍ଟ କଲେଜରେ ଯୋଗ ଦେଇଥିଲେ ଏବଂ ସେ ଗତ ସୋମବାର ଆସାମରୁ ଆସି ବେଙ୍ଗାଲୁରୁରେ ପହଁଚିଥିଲେ । ଅଭିଯୁକ୍ତ ଅନସୁର ମାଧ୍ୟମରେ ଏହି କଲେଜରେ ନା ଲେଖାଇଥିବା ଜଣାଯାଇଛି । ଆସାମର ବାସିନ୍ଦା ଅନସୁର ମଧ୍ୟ ଉକ୍ତ କଲେଜର ଛାତ୍ର ଥିବା ପୁଲିସୁ କହିଛି । ଛାତ୍ରୀ ରହୁଥିବା ଭଡାଘର ମାଲିକଙ୍କ ଅଭିଯୋଗ କ୍ରମେ ବେଙ୍ଗାଲୁରୁ ପୁଲିସ ଏକ ମାମଲା ରୁଜୁ କରି ଘଟଣାର ତଦନ୍ତ ଜାରି ରଖିଛି । ପ୍ରାଥମିକ ତଦନ୍ତରୁ ଛାତ୍ରୀଙ୍କୁ ଦୁଷ୍କର୍ମ ପରେ ହତ୍ୟା କରାଯାଇଥିବା ଆଶଙ୍କା କରାଯାଉଛି । ଏପରିକି ଅପରାଧରେ ଏକାଧିକ ବ୍ୟକ୍ତି ସମ୍ପୃକ୍ତ ଥିବା ମଧ୍ୟ ପୁଲିସ ଅନୁମାନ କରୁଛି । ତେବେ ଶବ ବ୍ୟବଚ୍ଛେଦ ରିପୋର୍ଟ ମିଳିଲାପରେ ପୁଲିସ କହିଛି ।