ଓଡ଼ିଶା ସାହିତ୍ୟ ଏକାଡେମୀ ସାଧାରଣ ପରିଷଦ ସ୍ୱୟଂ ସମ୍ପୂର୍ଣ୍ଣ, ନିର୍ବାଚିତ ହେଲେ ୮ ସଦସ୍ୟ
ଓଡ଼ିଶା ସାହିତ୍ୟ ଏକାଡେମୀ ସାଧାରଣ ପରିଷଦ ସ୍ୱୟଂ ସମ୍ପୂର୍ଣ୍ଣ, ନିର୍ବାଚିତ ହେଲେ ୮ ସଦସ୍ୟ
admin
4413
ଭୁବନେଶ୍ୱର: ସ୍ୱୟଂ ସମ୍ପୂର୍ଣ୍ଣ ହେଲା ଓଡ଼ିଶା ସାହିତ୍ୟ ଏକାଡେମୀ ସାଧାରଣ ପରିଷଦ । ପୂର୍ବରୁ ୪୮ଟି ସଦସ୍ୟ ଥିବା ବେଳେ ଶୁକ୍ରବାର ଭୋଟିଂ ମାଧ୍ୟମରେ ସାହିତ୍ୟ କ୍ଷେତ୍ରରେ ଦଖଲ ଥିବା ୮ ସଦସ୍ୟ ନିର୍ବାଚିତ ହୋଇଛନ୍ତି । ସେହିପରି ଆସନ୍ତା ମାସରେ ଏକାଡେମୀର କାର୍ଯ୍ୟକାରୀ ସମିତି ଏବଂ ଅର୍ଥ ସମିତି ନିମନ୍ତେ ପ୍ରକି୍ରୟା ଆରମ୍ଭ ହେବ । ଏଥିରେ ୩ ଜଣ ଲେଖାଏଁ ନିର୍ବାଚିତ ହେବେ ବୋଲି ସୂଚନା ପ୍ରଦାନ କରାଯାଇଛି । ଓଡ଼ିଶା ଭାଷା, ସାହିତ୍ୟ ଓ ସଂସ୍କୃତି ବିଭାଗ ଅଧୀନରେ ଥିବା ଓଡ଼ିଶା ସାହିତ୍ୟ ଏକାଡେମୀର ସାଧାରଣ ପରିଷଦ ବୈଠକ ଭଞ୍ଜକଳା ମଣ୍ଡପରେ ଅନୁଷ୍ଠିତ ହୋଇଯାଇଛି । ପୂର୍ବରୁ ରାଜ୍ୟ ସରକାରଙ୍କ ଦ୍ୱାରା ଗଠିତ ସାଧାରଣ ପରିଷଦ ସଦସ୍ୟମାନେ ଓଡ଼ିଶା ସାହିତ୍ୟ କ୍ଷେତ୍ରରେ ଦକ୍ଷତା ଥିବା ୮ ଜଣଙ୍କୁ ମନୋନୟନ କରିଛନ୍ତି । ସେମାନେ ହେଲେ ପୂର୍ଣ୍ଣଚନ୍ଦ୍ର ବହଳୀ, ଚନ୍ଦ୍ରଶେଖର ହୋତା, ଡ.ନୃସିଂହ ଚରଣ ଷଡଙ୍ଗୀ, ଡ.ସୁନୀତି ମୁଣ୍ଡ, ଅତୁଲ ବଳ, ରାଜୀବ ପାଣି, ଡ.ଶରତ କୁମାର ଜେନା ଏବଂ ସୁରେଶ କୁମାର ନାୟକ । ଏକାଡେମୀର ସଭାପତି ହରିହର ମିଶ୍ର, ସଚିବ ସୁଚିସ୍ମିତା ମନ୍ତ୍ରୀଙ୍କ ସମେତ ପରିଷଦର ସଦସ୍ୟଙ୍କ ଉପସ୍ଥିତିରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ବିଭାଗୀୟ ନିଦେ୍ର୍ଧଶକ ରଞ୍ଜନ କୁମାର ଦାସ ଏଥିରେ ଉପସ୍ଥିତ ଥିଲେ । ଗତ ଜୁଲାଇ ୭ ରେ ଏକାଡେମୀର ସାଧାରଣ ପରିଷଦର ପୁନର୍ଗଠନ କରାଯାଇଥିବା ବେଳେ ଗତ ୨୪ ତାରିଖରୁ ଏହି ନୂତନ ସାଧାରଣ ପରିଷଦ କାର୍ଯ୍ୟକାରୀ ହୋଇଥିଲା । ନିର୍ବାଚନ ପ୍ରକି୍ରୟା ଶେଷ ହେବା ପରେ ସାଧାରଣ ପରିଷଦ ସମ୍ପୂର୍ଣ୍ଣ ହୋଇଛି ।
