ଆଉ ଦୁଇ ବିଧାୟକଙ୍କୁ କରୋନା
ଆଉ ଦୁଇ ବିଧାୟକଙ୍କୁ କରୋନା
admin
4685
ଭୁବନେଶ୍ୱର : ରାଜ୍ୟରେ ଆଉ ଦୁଇ ବିଧାୟକ ଆଜି କରୋନାରେ ଆକ୍ରାନ୍ତ ହୋଇଛନ୍ତି । ଭୁବନେଶ୍ୱର ଉତ୍ତର ବିଧାୟକ ସୁଶାନ୍ତ କୁମାର ରାଉତ ଏବଂ ବରୀ ବିଧାୟିକା ସୁନନ୍ଦା ଦାସ ଆଜି କରୋନା ପଜିଟିଭ ହୋଇଥିବା ନେଇ ସୂଚନା ଦେଇଛନ୍ତି । ଉଭୟ ଟ୍ୱିଟ କରି ନିଜର କରୋନା ପଜିଟିଭ ଥିବା ନେଇ ସୂଚନା ଦେବା ସହିତ ସଂସ୍ପର୍ଶରେ ଆସିଥିବା ବ୍ୟକ୍ତିଙ୍କୁ ପରୀକ୍ଷଣ କରାଇବା ତଥା ସଙ୍ଗରୋଧରେ ରହିବା ପାଇଁ ଅନୁରୋଧ କରିଛନ୍ତି । ଉଭୟଙ୍କ ନିକଟରେ କରୋନାର କୌଣସି ଲକ୍ଷଣ ନଥିବା ନେଇ ଉଭୟ ନେତା ଟ୍ୱିଟ କରିଛନ୍ତି ।
ଗତକାଲି କୃଷି ମନ୍ତ୍ରୀ ଡକ୍ଟର ଅରୁଣ ସାହୁ ଓ ଭଦ୍ରକ ଯୋଜନା ବୋଡର଼୍ ଅଧ୍ୟକ୍ଷ ତଥା ଚାନ୍ଦବାଲି ବିଧାୟକ ବ୍ୟୋମକେଶ ରାୟ ମଧ୍ୟ କରୋନାରେ ଆକ୍ରାନ୍ତ ହୋଇ ସଂଗରୋଧରେ ରହିଛନ୍ତି । ଏହା ପୂର୍ବରୁ ବଡ଼ମ୍ବା ବିଧାୟକ ଦେବୀ ପ୍ରସାଦ ମିଶ୍ର, ଭୁବନେଶ୍ୱର ମଧ୍ୟ ବିଧାୟକ ଅନନ୍ତ ନାରାୟଣ ଜେନା ବି କରୋନାରେ ଆକ୍ରାନ୍ତ ହୋଇଥିଲେ । ରାଜ୍ୟର ଅନେକ ବିଧାୟକ ଓ ସାଂସଦଙ୍କୁ କରୋନା ହୋଇଥିବାବେଳେ କେତେକ ଇତିମଧ୍ୟରେ ସୁସ୍ଥ ହୋଇ ସାରିଛନ୍ତି ।
