ଆଇସିଏମଆରର ସେରୋ ସର୍ଭେ : ଦେଶରେ କରୋନା ଆକ୍ରାନ୍ତଙ୍କ ପ୍ରକୃତ ସଂଖ୍ୟା ୭.୪୩ କୋଟି
ଆଇସିଏମଆରର ସେରୋ ସର୍ଭେ : ଦେଶରେ କରୋନା ଆକ୍ରାନ୍ତଙ୍କ ପ୍ରକୃତ ସଂଖ୍ୟା ୭.୪୩ କୋଟି
admin
3691
ନୂଆଦିଲ୍ଲୀ : ଆଇସିଏମଆର ପକ୍ଷରୁ ଏକ ସେରୋ ସର୍ଭେ କରାଯାଇ ଏକ ରୋଚକ ତଥ୍ୟ ପ୍ରକାଶ କରାଯାଇଛି । ୧୦ ବର୍ଷରୁ ଅଧିକ ବୟସ୍କଙ୍କୁ ନେଇ କରାଯାଇଥିବା ସର୍ବେକ୍ଷଣରୁ ଏହି ତଥ୍ୟ ସାମ୍ନାକୁ ଆସିଛି । ଲାନସେଣ୍ଟ ଗ୍ଲୋବାଲରେ ପ୍ରକାଶିତ ତଥ୍ୟ ଅନୁଯାୟୀ ଦେଶରେ ସମୁଦାୟ ଆକ୍ରାନ୍ତଙ୍କ ସଂଖ୍ୟା ୭.୪୩ କୋଟିରେ ପହଞ୍ଚିଛି । ଏହି ସର୍ବେକ୍ଷଣରେ ବିଭିନ୍ନ ବସ୍ତି ଅଞ୍ଚଳରେ ରହିଥିବା ଲୋକଙ୍କୁ ସାମିଲ କରାଯାଇଥିଲା । ଦେଶର ପ୍ରତି ୧୫ ଜଣରୁ ଜଣେ କରୋନାରେ ଆକ୍ରାନ୍ତ ହୋଇ ସୁସ୍ଥ ହୋଇ ସାରିଥିବା ଏହି ରିପୋର୍ଟରେ ପ୍ରକାଶ ପାଇଥିଲା ।
୨୪ ଘଣ୍ଟା ମଧ୍ୟରେ ଚିହ୍ନଟ ହୋଇଥିବା ନୂଆ ସଂକ୍ରମଣ ୬୦ ପ୍ରତିଶତ ୬ ରାଜ୍ୟ ଏବଂ କେନ୍ଦ୍ର ଶାସିତ ଅଞ୍ଚଳରୁ ଚିହ୍ନଟ ହୋଇଛି । ଗତ ୨୪ ଘଣ୍ଟା ମଧ୍ୟରେ ଦେଶରେ ୪୪ ହଜାର ୪୮୯ ନୂଆ ମାମଲା ଚିହ୍ନଟ ହୋଇଛି ଏବଂ ୫୨୪ ଜଣ ମୃତୁ୍ୟ ବରଣ କରିଛନ୍ତି । ତେବେ ନୂଆ ସଂକ୍ରମଣ ମାମଲା ୬୦.୫୦ ପ୍ରତିଶତ ୬ ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳ ଦିଲ୍ଲୀ, ମହାରାଷ୍ଟ୍ର, ପଶ୍ଚିମବଙ୍ଗ, ହରିୟାଣା, ପଞ୍ଜାବ ଏବଂ ଉତ୍ତରପ୍ରଦେଶର ଚିହ୍ନଟ ହୋଇଛି । କେରଳର ଗତ ୨୪ ଘଣ୍ଟା ମଧ୍ୟରେ ୬,୪୯୧ ନୂଆ ସଂକ୍ରମଣ ମାମଲା ଚିହ୍ନଟ ହୋଇଥିବା ବେଳେ ମହାରାଷ୍ଟ୍ରରେ ୬,୧୫୯ ଏବଂ ଦିଲ୍ଲୀରେ ୫,୨୪୬ ନୂଆ ମାମଲା ଚିହ୍ନଟ ହୋଇଚି । ଦେଶରେ ଏବେ ସକି୍ରୟ ମାମଲା ୪ ଲକ୍ଷ ୫୨ ହଜାର ୩୪୪ ରହିଛି । ମୋଟ ସଂକ୍ରମଣ ମାମଲାର ୪.୮୮ ପ୍ରତିଶତ ।
