୪୭୮୬ ଜଣଙ୍କ ରାଜ୍ୟ ର୍ୟାଙ୍କ, ମେଡିକାଲ ନାମଲେଖା ପାଇଁ ମେଧା ତାଲିକା
୪୭୮୬ ଜଣଙ୍କ ରାଜ୍ୟ ର୍ୟାଙ୍କ, ମେଡିକାଲ ନାମଲେଖା ପାଇଁ ମେଧା ତାଲିକା
admin
5088
ଭୁବନେଶ୍ୱର: ମେଡିକାଲ କଲେଜ ଗୁଡ଼ିକର ଏମବିବିଏସ ଓ ବିଡିଏସ ପାଠ୍ୟକ୍ରମରେ ନାମ ଲେଖା ପାଇଁ ରାଜ୍ୟ ମେରିଟ ଲିଷ୍ଟ ତଥା ମେଧା ତାଲିକା ପ୍ରକାଶ ପାଇଛି । ଏହି ତାଲିକାରେ ମୋଟ ୪୭୮୬ ଜଣ ଛାତ୍ରଛାତ୍ରୀ ସ୍ଥାନ ପାଇଛନ୍ତି । ଛାତ୍ରୀ ଆରାଧନା ମନସ୍ୱିନୀ ସାଧାରଣ ବର୍ଗରେ ପ୍ରଥମ ସ୍ଥାନରେ ରହିଛନ୍ତି । ସେ ସର୍ବଭାରତୀୟସ୍ତରରେ ତଥା ନିଟରେ ୨୬୧ ତମ ରାଙ୍କ ହାସଲ କରିଥିଲେ । ସେହିପରି ୫୭୮ ନିଟ ର୍ୟାଙ୍କଧାରୀ ଛାତ୍ରୀ ମଧୁସ୍ମିତା ପଣ୍ଡା, ୮୩୭ତମ ରାଙ୍କରେ ଥିବା ସଏଦ ସରିମ ହବିବ, ୯୭୪ ରାଙ୍କଧାରୀ ଦିବ୍ୟାଦର୍ଶନ ପାଣିଗ୍ରାହୀ ଓ ୧୦୫୦ ନିଟ ରାଙ୍କଧାରୀ ବିକାଶ ଅଗ୍ରୱାଲ ଯଥାକ୍ରମେ ଦ୍ୱିତୀୟରୁ ୫ମ ସ୍ଥାନ ମଧ୍ୟରେ ରହିଛନ୍ତି । ଅନୁସୂଚିତ ଜାତି ବର୍ଗରେ ଅବିନାଶ ବେହେରା ପ୍ରଥମ ସ୍ଥାନ ହାସଲ କରିଥିବା ବେଳେ ସୁନୀଲ କୁମାର ସା ଦ୍ୱିତୀୟ, ପ୍ରତୀମ କୁମାର ସେଠୀ ତୃତୀୟ, ସବ୍ୟସାଚ୍ଚୀ ସୀତାକାନ୍ତ ଜେନା ୪ର୍ଥ, ଦିବ୍ୟରଞ୍ଜନ ବେହେରା ୫ମ ସ୍ଥାନରେ ରହିଛନ୍ତି । ଅନୁସୂଚିତ ଜନଜାତି ବର୍ଗରେ ଶିବ କୁମାର ମାରାଣ୍ଡି ପ୍ରଥମ ସ୍ଥାନରେ ଅଛନ୍ତି । ମେଧା ତାଲିକା ପ୍ରକାଶ ସହ ଚଏସ ଫିଲିଂ ଓ ଲକିଂ ଆରମ୍ଭ ହୋଇଯାଇଛି ।
