ବିଜେବି କଲେଜ ଗେଟ୍ରେ ତାଲା ପକାଇଲେ ଛାତ୍ର
user2
ଭୁବନେଶ୍ୱର : ବିଜେବି କଲେଜରେ ପୁଣି ଛାତ୍ର ଉତ୍ତେଜନା। କଲେଜ ଗେଟ୍ରେ ତାଲା ପକାଇ ରାଜପଥ ଅବରୋଧ କଲେ ଛାତ୍ର। କ୍ୟାମ୍ପସରୁ ଜଣେ ପୂର୍ବତନ ଛାତ୍ରଙ୍କୁ ପୁଲିସ ଉଠାଇ ନେବାରୁ ପ୍ରତିବାଦ ହୋଇଛି।ଛାତ୍ରଛାତ୍ରୀମାନେ ଟାୟାର ଜାଳି ରାସ୍ତା ଅବରୋଧ କରିଛନ୍ତି । ଫଳରେ ଯାନବାହାନ ଅଟକି ରହିଛି । ଏହା ଦ୍ୱାରା ଟ୍ରାଫିକ ସମସ୍ୟା ସୃଷ୍ଟି ହୋଇଛି । ଏନେଇ ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ଆନେ୍ଦାଳନରତ ଛାତ୍ରଛାତ୍ରୀଙ୍କ ସହ ଆଲୋଚନା କରୁଥିବା ଜଣାଯାଇଛି ।
ସୂଚନା ମୁତାବକ, ସମ୍ପୃକ୍ତ ଛାତ୍ର ଜଣକ ପୂର୍ବ ଏକ ଗଣ୍ଡଗୋଳରେ ସାମିଲ ଥିବା ଅଭିଯୋଗ କରି ପୁଲିସ ତାଙ୍କୁ ଗିରଫ କରିଛି । କଲେଜର ପୁରାତନ ଛାତ୍ର ସ୍ମୃତିରଂଜନ ପଣ୍ଡା କ୍ୟାମ୍ପସରେ ଥିବା ବେଳେ ଗତ ରାତି ପ୍ରାୟ ୮ଟାରୁ ୯ଟା ମଧ୍ୟରେ ପୁଲିସ୍ ତାଙ୍କୁ ଉଠାଇ ନେଇଛି । ଏହାକୁ ନେଇ ଛାତ୍ରଛାତ୍ରୀ ତାତିଥିବା ବେଳେ କଲେଜ ପରିସରରେ ଉତ୍ତେଜନା ଦେଖାଦେଇଛି। ହେଲେ ତାଙ୍କର କୌଣସି ଗଣ୍ଡଗୋଳରେ ସମ୍ପୃକ୍ତି ନାହିଁ । ବରଂ ବାରମ୍ବାର ଅଭିଯୋଗ ପରେ ବି ବିଶୃଙ୍ଖଳା ସୃଷ୍ଟି କରୁଥିବା ଅଣଛାତ୍ରଙ୍କୁ ଗିରଫ ନକରି ବରଂ ନିର୍ଦ୍ଦୋଷ ଛାତ୍ରଙ୍କୁ ପୁଲିସ ଗିରଫ କରିନେଇଛି । ଏଭଳି ଅଭିଯୋଗ ଆଣି ବିକ୍ଷୋଭ କରିଛନ୍ତି ଛାତ୍ରଛାତ୍ରୀ ।
