ଭାଲୁର ମୃତଦେହ ଉଦ୍ଧାର

admin admin
May 6, 2023 - 16:23
9424
ଭାଲୁର ମୃତଦେହ ଉଦ୍ଧାର

ଆନନ୍ଦପୁର: କେନ୍ଦୁଝର ଜିଲ୍ଲା ଆନନ୍ଦପୁର ବନ୍ୟପ୍ରାଣୀ ବନଖଣ୍ଡ ଅନ୍ତର୍ଗତ ରାମଚନ୍ଦ୍ରପୁର ବନ ବିଭାଗ ଅଧିନ କରଡାମାଳୀ ଗାଁ ନିକଟ ଝିଟିଆ ଜଙ୍ଗଲରୁ ଗୋଟିଏ ଭାଲୁର ମୃତଦେହ ଉଦ୍ଧାର ହୋଇଛି । ଶନିବାର ସକାଳୁ ସ୍ଥାନୀୟ ଲୋକେ ଭାଲୁଟି ମରିପଡିଥିବା ଦେଖି ବନ ବିଭାଗକୁ ଖବର ଦେଇଥିଲେ । ବିଭାଗୀୟ କର୍ମଚାରୀ ପହଞ୍ଚିବା ପରେ ମୃତ ଭାଲୁଟିକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ସାଇଁକୁଳ ପଶୁ ଚିକିତ୍ସାଳକୁ ପଠାଇଛନ୍ତି । ମୃତ ଭାଲୁଟି ଏକ ମାଈ ଭାଲୁ ହୋଇଥିବା ବେଳେ ଅସୁସ୍ଥତା ଯୋଗୁଁ ତାର ମୃତ୍ୟୁ ଘଟିଥିବା ସନ୍ଦେହ ହୋଇଛି ।