୧୪୯ଟି ରାଷ୍ଟ୍ର ରେ କରୋନା ଆତଙ୍କ

Mar 15, 2020 - 05:25 Updated: Mar 15, 2020 - 05:25

2153

ନୂଆଦିଲ୍ଲୀ: କରୋନା ଭାଇରସ ୧୪୯ ରାଷ୍ଟ୍ରକୁ ବ୍ୟାପିଛି । ବିଶ୍ୱବ୍ୟାପୀ ୧୪୯,୧୮୧ ଜଣ ଭାଇରସ ଆକ୍ରାନ୍ତ ହୋଇଛନ୍ତି । ୟୁରୋପୀୟ ରାଷ୍ଟ୍ରଗୁଡ଼ିକରେ କରୋନା ଦ୍ରୁତ ଗତିରେ ମାଡ଼ି ଚାଲିଛି । ସ୍ପେନରେ କରୋନା ଆକ୍ରାନ୍ତଙ୍କ ସଂଖ୍ୟା ୫,୭୫୩ ଟପିଥିବା ବେଳେ ଏଠାରେ କରୋନା ଜନିତ ମୃତ୍ୟୁ ସଂଖ୍ୟା ୧୩୬କୁ ବୃଦ୍ଧି ପାଇଛି । ଆମେରିକାର ଜାତୀୟ ଜରୁରୀ ସ୍ଥିତି ଘୋଷଣା କରାଯାଇଛି । ଇରାନର ସୈନ୍ୟବାହିନୀ ଦ୍ୱାରା ଦେଶବ୍ୟାପୀ ସାର୍ବଜନୀନ ସ୍ଥାନକୁ ଖାଲି କରିବା ପ୍ରକ୍ରିୟା ଆରମ୍ଭ ହୋଇଛି । ଇରାନରେ ଅଧିକାଂଶ ଦୋକାନ ବଜାର ଏବଂ ରାସ୍ତାଘାଟ ବନ୍ଦ ହେବା ଆରମ୍ଭ କରିଛି । ଆମେରିକାରେ ୪୬,୦୦୦ ସ୍କୁଲ ବନ୍ଦ ରହିଛି । ଆମେରିକାରେ ୨୧ ନିୟୁତ ଛାତ୍ରଛାତ୍ରୀ କରୋନା ଯୋଗୁଁ ପ୍ରଭାବିତ ହୋଇଛି । ନ୍ୟୁଜିଲାଣ୍ଡରେ ଦେଶକୁ ଯେ କୌଣସି ବ୍ୟକ୍ତି ପ୍ରବେଶ କରିବେ ସେ ୧୪ ଦିନ ପର୍ଯ୍ୟନ୍ତ କ୍ୱାରେଣ୍ଟିନରେ ରହିବେ ବୋଲି ଘୋଷଣା କରାଯାଇଛି । ସାଉଦି ଆରମ ସବୁ ଅନ୍ତର୍ଜାତୀୟ ବିମାନ ବାତିଲ କରିଛି । ବ୍ରିଟେନରେ ୨୪ ଘଣ୍ଟା ମଧ୍ୟରେ କରୋନା ମୃତ୍ୟୁ ସଂଖ୍ୟା ୧୧ ରୁ ୨୧ କୁ ବୃଦ୍ଧି ପାଇଛି । ସେହିପରି ନେଦରଲ୍ୟଶଣ୍ଡରେ ବି କରୋନା ଆକ୍ରାନ୍ତଙ୍କ ସଂଖ୍ୟା ୯୫୯ କୁ ବୃଦ୍ଧି ପାଇଛି ।