ଶିକ୍ଷୟିତ୍ରୀଙ୍କୁ ଛୁରାମାଡ

Jan 30, 2021 - 13:18 Updated: Jan 30, 2021 - 13:18

3510

ନୟାଗଡ: ଶରଣକୁଳ ଥାନା ଅନ୍ତର୍ଗତ ଗୋଡିପଡାରେ ଆଜି ଏକ ଅଭାବନୀୟ ଘଟଣା ଘଟିଛି । ଏଠାରେ ଜଣେ ସ୍କୁଲ ଶିକ୍ଷୟିତ୍ରୀଙ୍କ ତଣ୍ଟି କାଟିଦେଇଛି ଜଣେ ଯୁବକ । ଶିକ୍ଷୟିତ୍ରୀଙ୍କ ତଣ୍ଟି କାଟିବା ପରେ ଅଭିଯୁକ୍ତ ଯୁବକ ନିଜର ତଣ୍ଟି କାଟି ଆତ୍ମହତ୍ୟା ଉଦ୍ୟମ କରିଛି । ଉଭୟଙ୍କୁ ନୟାଗଡ଼ ଜିଲ୍ଲା ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଛି । ଆଜି ଅପରାହ୍ଣ ୪ଟାରେ ଗୋଡ଼ିପଡ଼ାର ସର୍ଦ୍ଦାର ପଟେଲ ବିଦ୍ୟାପୀଠର ଶିକ୍ଷୟିତ୍ରୀ ଲିଲିମା ବେହେରାଙ୍କଙ୍କ ତଣ୍ଟି କାଟିଲା ଯୁବକ । ଲିଲିମାଙ୍କ ଘର ପୁରୀ ଜିଲ୍ଲାର ଆଳୁପାଟଣା ହୋଇଥିବା ବେଳେ ସେ ନୟାଗଡ଼ରେ ୮ ବର୍ଷ ହେବ ଚାକିରି କରୁଥିଲେ । ଲିଲିମାଙ୍କ ତଣ୍ଟି କାଟିବା ପରେ ଯୁବକ ନିଜ ତଣ୍ଟି ବି କାଟିଛି। ସ୍ଥାନୀୟ ଲୋକେ ଉଭୟଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଛନ୍ତି ।