ଲକଡାଉନ କ୍ଷତିରୁ ବ୍ୟାଙ୍କ ଲୁଟ, ଜଣେ ଗିରଫ
ଲକଡାଉନ କ୍ଷତିରୁ ବ୍ୟାଙ୍କ ଲୁଟ, ଜଣେ ଗିରଫ
admin
3986
ଭୁବନେଶ୍ୱର: କରୋନା ଲକଡାଉନ ସମୟରେ ସମସ୍ତଙ୍କ ଜୀବନ ଜୀବିକା ଉପରେ ପ୍ରଭାବ ପକାଇଥିଲା । ତେବେ ଲକଡାଉନ ବେଳେ ଜଣେ ଦୋକାନୀଙ୍କ କ୍ଷତି ହେବା ଓ ସେ କରିଥିବା ଋଣ ଟଙ୍କା ସୁଝିବା ପାଇଁ ବ୍ୟାଙ୍କ ଲୁଟିବା ଘଟଣାର ପର୍ଦ୍ଧାଫାସ କରିଛି ପୁଲିସ । ଭୁବନେଶ୍ୱରରେ ୨ଟି ବ୍ୟାଙ୍କ ଲୁଟ ଘଟଣାର ପର୍ଦ୍ଧାଫାସ ହୋଇଛି । ବ୍ୟାଙ୍କ ଲୁଟ ଘଟଣାର ଅଭିଯୁକ୍ତ ସୌମ୍ୟରଞ୍ଜନ ଜେନାକୁ ପୁଲିସ ଗିରଫ କରିଛି । ଏନେଇ ଆଜି ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ପୁଲିସ କମିଶନର ସୁଧାଂଶୁ ଷଡ଼ଙ୍ଗୀ ସୂଚନା ଦେଇଛନ୍ତି ।
ସେ କହିଛନ୍ତି ଯେ, ଲକଡାଉନ ପାଇଁ ବ୍ୟବସାୟରେ କ୍ଷତି ଯୋଗୁଁ ଏଭଳି ଲୁଟ ହୋଇଛି । ଲୁଟ ହୋଇଥିବା ୨ଟି ବ୍ୟାଙ୍କରେ ଅଭିଯୁକ୍ତର ଆକାଉଣ୍ଟ ଅଛି । ଅଭିଯୁକ୍ତ ୨ଟି ବ୍ୟାଙ୍କରୁ ୧୯ ଲକ୍ଷ ଟଙ୍କାର ଋଣ କରିଥିଲା । ଋଣ କରିଥିବା ୧୯ ଲକ୍ଷରୁ ୬ ଲକ୍ଷ ସୁଝିବାକୁ ବାକି ରହିଥିଲା । ଲକଡାଉନ ଯୋଗୁଁ ସେ ଆଉ ଋଣ ସୁଝି ପାରୁନଥିଲା । ଫଳରେ ସେ ଲୁଟର ପନ୍ଥା ଅବଲମ୍ବନ କରିଥିଲା । ଲୁଟ କରି ଟଙ୍କା ଆଣି ଋଣ ସୁଝିବା ଯୋଜନା କରିଥିଲା । ୟୁଟୁ୍ୟବରୁ ଦେଖି ବ୍ୟାଙ୍କ ଲୁଟ କରିବା ଶିଖିଥିଲା । ଉଭୟ ବ୍ୟାଙ୍କରେ ଲୁଟେରା ଜଣେ ଥିବା ଆମେ ଜାଣିବାକୁ ପାଇଥିଲୁ । ଲୁଟେରା ଜଣକ ଓଡ଼ିଆରେ କଥା ହେଉଥିବା ମଧ୍ୟ ଜଣାପଡ଼ିଥିଲା । କେହି ଲୋକାଲ ଲୋକ ଏପରି କରିଥିବା ପ୍ରାଥମିକ ଭାବେ ଜାଣିଥିଲୁ ବୋଲି ଶ୍ରୀ ଷଡ଼ଙ୍ଗୀ କହିଛନ୍ତି ।
