ବିବାହ ପ୍ରତିଶ୍ରୁତି ଦେଇ ପ୍ରତାରଣା, ପ୍ରେମିକ ଡାକ୍ତର ଗିରଫ
ବିବାହ ପ୍ରତିଶ୍ରୁତି ଦେଇ ପ୍ରତାରଣା, ପ୍ରେମିକ ଡାକ୍ତର ଗିରଫ
admin
1929
ବୌଦ୍ଧ : ବିବାହର ପ୍ରତିଶ୍ରୁତି ଦେଇ ଜଣେ ଡାକ୍ତର ପ୍ରେମିକାକୁ ପ୍ରତାରଣା କରିଥିବା ଅଭିଯୋଗ ହୋଇଥିଲା । ଅଭିଯୋଗକୁ ଆଧାର କରି ବ୍ରହ୍ମପୁର ମହିଳା ଥାନା ପୁଲିସ ବୌଦ୍ଧ କୋଭିଡ ସ୍ୱାସ୍ଥ୍ୟ କେନ୍ଦ୍ରରୁ ସଂପୃକ୍ତ ଡାକ୍ତରଙ୍କୁ ଗିରଫ କରିଛି । ଗିରଫ ଡାକ୍ତର ଜଣକ ହେଲେ ଡା.ତପନ କୁମାର ଶତପଥୀ ।
ପ୍ରକାଶ ଯେ, ଗତକିଛି ବର୍ଷ ହେଲା ଫେସବୁକରେ ଜଣେ ଯୁବତୀଙ୍କ ସହ ଡାକ୍ତରଙ୍କ ପ୍ରେମ ସମ୍ପର୍କ ଗଢ଼ି ଉଠିଥିଲା । ଉଭୟଙ୍କ ମଧ୍ୟରେ ସମ୍ପର୍କ ନିବିଡ଼ ହୋଇଥିଲା । ଡା.ଶତପଥୀ ବିବାହ କରିବେ ବୋଲି ପ୍ରତିଶ୍ରୁତି ଦେଇ ଯୁବତୀଙ୍କ ସହ ଶାରୀରିକ ସମ୍ପର୍କ ରଖିଥିଲେ ବୋଲି ପୀଡ଼ିତା ଅଭିଯୋଗ କରିଛନ୍ତି । ତେବେ ଗତ ବର୍ଷ ଡା.ଶତପଥୀ ଅନ୍ୟତ୍ର ବିବାହ କରିଥିଲେ ଏବଂ ତାଙ୍କ ପ୍ରେମିକାଙ୍କ ସହ ସମ୍ପର୍କ ଛିନ୍ନ କରିଥିଲେ । ଡାକ୍ତର ଜଣକ ଅନ୍ୟତ୍ର ବିବାହ କରିଥିବା ଜାଣିବା ପରେ ଯୁବତୀ ଏନେଇ ବ୍ରହ୍ମପୁର ମହିଳା ଥାନାର ଦ୍ୱାରସ୍ଥ ହୋଇଥିଲେ । ପୀଡ଼ିତାଙ୍କ ଅଭିଯୋଗ ଆଧାରରେ ମହିଳା ପୁଲିସ ମାମଲା ରୁଜୁ କରିଥିବା ବେଳେ ଡାକ୍ତର ଶତପଥୀଙ୍କୁ ବୌଦ୍ଧ ଆସି ଗିରଫ କରି ନେଇଥିବା ଜଣାପଡ଼ିଛି । ଡା.ଶତପଥୀ ବୌଦ୍ଧ ଜିଲ୍ଲା କଣ୍ଟାମାଳ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଡାକ୍ତର ଭାବେ କାର୍ଯ୍ୟରତ ଥିଲେ । ଏବେ ସେ ବୌଦ୍ଧ କୋଭିଡ ସ୍ୱାସ୍ଥ୍ୟକେନ୍ଦ୍ରର ଆଇସିୟୁ ପରିଚାଳନା ଦାୟିତ୍ୱରେ ନିୟୋଜିତ ହୋଇଥିଲେ ।
