ମୋଦୀଙ୍କୁ ଭେଟିଲେ ଯୋଗୀ, ଜିତିନ ପ୍ରସାଦ ରାଜ୍ୟ କ୍ୟାବିନେଟରେ ସାମିଲ ହୋଇପାରନ୍ତି
ମୋଦୀଙ୍କୁ ଭେଟିଲେ ଯୋଗୀ, ଜିତିନ ପ୍ରସାଦ ରାଜ୍ୟ କ୍ୟାବିନେଟରେ ସାମିଲ ହୋଇପାରନ୍ତି
admin
2963
ନୂଆଦିଲ୍ଲୀ : ଉତ୍ତର ପ୍ରଦେଶର ରାଜନୀତି ଏବେ ଚଳଚଞ୍ଚଳ ହେବାରେ ଲାଗିଛି । ଦୁଇଦିନିଆ ଦିଲ୍ଲୀ ଗସ୍ତରେ ଥିବା ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଗତକାଲି ଗୃହମନ୍ତ୍ରୀ ଅମିତ ଶାହଙ୍କୁ ଭେଟିବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଭେଟିଛନ୍ତି । ମୋଦୀଙ୍କ ସରକାରୀ ବାସଭବନରେ ଯୋଗୀ ପ୍ରଧାନମନ୍ତ୍ରୀଙ୍କୁ ଭେଟି ପ୍ରାୟ ୮୦ ମିନିଟ ଧରି ଆଲୋଚନା କରିଛନ୍ତି । ପ୍ରଧାନମନ୍ତ୍ରୀଙ୍କୁ ଭେଟିବା ପରେ ଯୋଗୀ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେ ପି ନଡ୍ଡାଙ୍କୁ ତାଙ୍କ ବାସଭବନରେ ସାକ୍ଷାତ କରିଛନ୍ତି । କଂଗ୍ରେସର ବରିଷ୍ଠ ନେତା ଜିତିନ ପ୍ରସାଦ ବିଜେପିରେ ମିଶିବା ପରଦିନ ଯୋଗୀ ଦୁଇଦିନିଆ ଦିଲ୍ଲୀ ଗସ୍ତରେ ଆସି ରାଷ୍ଟ୍ରୀୟ ନେତାମାନଙ୍କୁ ଭେଟୁଛନ୍ତି । ଦିଲ୍ଲୀରେ ଯୋଗୀଙ୍କୁ ମଧ୍ୟ ଜିତିନ ଭେଟିଛନ୍ତି । ଉତ୍ତର ପ୍ରଦେଶ ବିଧାନସଭା ନିର୍ବାଚନ ଆସନ୍ତାବର୍ଷ ହେବ । ଏହାପୂର୍ବରୁ ରାଜ୍ୟ ସରକାରଙ୍କ ଭାବମୂର୍ତ୍ତିରେ ପରିବର୍ତ୍ତନ ପାଇଁ ଖୁବଶୀଘ୍ର ଯୋଗୀ ସରକାରରେ ଅଦଳବଦଳ ନେଇ ଚର୍ଚ୍ଚା ହେଉଛି । ଯୋଗୀଙ୍କ କ୍ୟାବିନେଟରେ ଜିତିନଙ୍କୁ ସାମିଲ କରାଯିବାକୁ ଯୋଜନା ହେଉଥିବା କେତେକ ସୂତ୍ରରୁ ଜଣାପଡ଼ିଛି ।
