ମାତିଛନ୍ତି ସାଇବର ଠକ, ଲୁଟିନେଲେ ୮୪ ଲକ୍ଷ
ମାତିଛନ୍ତି ସାଇବର ଠକ, ଲୁଟିନେଲେ ୮୪ ଲକ୍ଷ
admin
2936
ଭୁବନେଶ୍ୱର: ମାର୍ଚ୍ଚ ମାସର ସାଇବର ଅପରାଧ ନେଇ ପୁଲିସ ତଥ୍ୟ ଦେଇଛି । ଭୁବନେଶ୍ୱର ଡିସିପି ଉମାଶଙ୍କର ଦାସ ସାମ୍ବାଦିକ ସମ୍ମୀଳନିରେ କହିଛନ୍ତି ଯେ, ମାର୍ଚ୍ଚ ମାସକରେ ସାଇବର ଅପରାଧ ସମ୍ପର୍କିତ ୬୨୯ଟି କଲ ଆସିଛି , ସେଥି ମଧ୍ୟରୁ ୩୧୦ଟି ଭୁବନେଶ୍ୱରରେ ଠକେଇ ହୋଇଛି । ମୋଟ ୩ ପ୍ରକାର ଲୋକଙ୍କୁ ସାଇବର ଠକ ଠକିଛନ୍ତି । ୧୭୦ ଜଣ ୟୁପିଆଇ ଫ୍ରଡର ଶିକାର ହୋଇଛନ୍ତି । କ୍ରେଡିଟ ଓ ଡେବିଟ କାର୍ଡ ଠକେଇ ର ୮୦ ଜଣ ଶିକାର ହୋଇଛନ୍ତି । ୩୭୯ ଟି ଅନ୍ୟାନ୍ୟ ଠକେଇ ସମ୍ବନ୍ଧୀୟ କଲ୍ ଆସିଛି ବୋଲି ଡିସିପି କହିଛନ୍ତି । ଭୁବନେଶ୍ୱରରେ ମୋଟ ୮୪ ଲକ୍ଷ ୭୮ ହଜାର ୩୯୪ ଟଙ୍କା ଠକେଇ ହୋଇଛି । ଏଥିରୁ ୨ ଲକ୍ଷ ୫୩ ହଜାର ୬୪୭ ଟଙ୍କା ଫେରାଇ ଆଣିବାରେ ସଫଳତା ମିଳିଛି ବୋଲି ଡିସିପି ଉମାଶଙ୍କର ଦାସ କହିଛନ୍ତି ।
