ବରିଷ୍ଠ ନାଗରିକଙ୍କ ପାଇଁ ପଦକ୍ଷେପ : ପ୍ରତି ରବିବାର ଥାନାରେ ହେବ ବୈଠକ
ବରିଷ୍ଠ ନାଗରିକଙ୍କ ପାଇଁ ପଦକ୍ଷେପ : ପ୍ରତି ରବିବାର ଥାନାରେ ହେବ ବୈଠକ
admin
6259
ଭୁବନେଶ୍ୱର: ଏଣିକି ପ୍ରତି ରବିବାର ଥାନାରେ ବରିଷ୍ଠ ନାଗରିକ ଓ ପୋଲିସ ଅଧିକାରୀଙ୍କ ମଧ୍ୟରେ ବୈଠକ ହେବ । ପୋଲିସ ଓ ସାଧାରଣ ନାଗରିକଙ୍କ ମଧ୍ୟରେ ଉତ୍ତମ ବୁଝାମଣା ସ୍ଥାପନ ହେବ । ନାଗରିକଙ୍କ ସୁବିଧା ଅସୁବିଧା ପୋଲିସ ବୁଝିବ । ଏପରିକି ପୋଲିସ ବିଶ୍ୱସନୀୟତାର ମଧ୍ୟ ପାତ୍ର ହେବ । ଏହାକୁ ନଜରରେ ରଖି ଆଜି ଏନେଇ ନିଷ୍ପତି ନିଆଯାଇଛି ।
ନିଷ୍ପତି ଅନୁସାରେ, ପ୍ରତି ରବିବାର ଦିନ ଥାନା ଆଇଆଇସିଙ୍କ ଅଧ୍ୟକ୍ଷତାରେ ବୈଠକ ହେବ । ଅପରାହ୍ନ ୪ରୁ ୫ଟା ଯାଏଁ ବରିଷ୍ଠ ନାଗରିକଙ୍କୁ ନେଇ ବୈଠକ ଅନୁଷ୍ଠିତ ହେବ । ଏଥିରେ ବରିଷ୍ଠ ନାଗରିକମାନେ ଯୋଗଦେବେ । ସେମାନେ ତାଙ୍କ ଅଂଚଳର ସମସ୍ୟା ଆଇଆଇସିଙ୍କୁ ଜଣାଇବେ । ଏପରିକି ସହାୟତା ଆପ୍ଲିକେସନ ମଧ୍ୟ ଡାଉନଲୋଡ କରିବେ । ଏହି ଆପ୍ ବ୍ୟବହାର କରିବା ଦ୍ୱାରା ବାରମ୍ବାର ଥାନାକୁ ଆସିବାକୁ ପଡିବ ନାହିଁ । ଏତତ୍ ବ୍ୟତୀତ ଘରେ ସିସିଟିଭି ଲଗାଇବାକୁ ମଧ୍ୟ ବରିଷ୍ଠ ନାଗରିକଙ୍କୁ ନେଇ ହୋଇଥିବା ବୈଠକ ପରେ ପୋଲିସ କମିଶନର ସୂଚନା ଦେଇଛନ୍ତି ।
