ରାଜ୍ୟରେ ବନ୍ୟା ଆଶଙ୍କା ଟଳିଲା
ରାଜ୍ୟରେ ବନ୍ୟା ଆଶଙ୍କା ଟଳିଲା
admin
2826
ଭୁବନେଶ୍ୱର: ରାଜ୍ୟରେ ବନ୍ୟା ସମ୍ଭାବନା ନାହିଁ । ଏହା କହିଛନ୍ତି ଜଳ ସମ୍ପଦ ସଚିବ ପ୍ରଦୀପ ଜେନା । ଶୁକ୍ରବାର ଏକ ସାମ୍ବାଦିକ ସମ୍ମିଳନୀରେ ଶ୍ରୀ ଜେନା ଏହି ସୂଚନା ଦେଇଛନ୍ତି ।
ତାଙ୍କ ସୂଚନା ମତାବକ ଗତ ୨୪ ଘଣ୍ଟା ଭିତରେ ରାଜ୍ୟରେ ବର୍ଷା ପରିମାଣ କମ ରହିଛି । ଫଳରେ ବନ୍ୟା ନେଇ ଯେଉଁ ଆଶଙ୍କା କରାଯାଉଥିଲା, ତାହା ଟଳି ଯାଇଛି । ବର୍ଷା ପରିମାଣ କମ ହେବାରୁ ସବୁ ନଦୀରେ ଜଳସ୍ତର କମିବାରେ ଲାଗିଛି ।
ଗୁରୁବାର ହୀରାକୁଦରେ ୨୦ଟି ଗେଟରେ ୩.୩୧ ଲକ୍ଷ କୁ୍ୟସେକ ଛଡ଼ାଯାଉଥିଲା । ଆଜି ହୀରାକୁଦରେ ୧୦ଟି ଗେଟ ବନ୍ଦ କରିବାକୁ କୁହାଯାଇଛି । ଗୁରୁବାର ହୀରାକୁଦ ଛାଡ଼ିଥିବା ଆଣି ଆଜି ମୁଣ୍ଡଳିରେ ପହଞ୍ଚିବ । ମୁଣ୍ଡଳିରେ ପହଞ୍ଚିଲା ବେଳକୁ ୫ରୁ ସାଢେ ୫ଲକ୍ଷ କୁ୍ୟସେକ ହେବ । ହୀରାକୁଦ ଗେଟ ବନ୍ଦ କରାଯାଉଥିବାରୁ ବନ୍ୟା ସମ୍ଭାବନା ନାହିଁ । ଆଜି ସନ୍ଧ୍ୟା ସୁଦ୍ଧା ସବୁ କିଛି ସ୍ୱାଭାବିକ ହୋଇଯିବ ବୋଲି ସଚିବ ଶ୍ରୀ ଜେନା କହିଛନ୍ତି ।
