ପ୍ରଚାର ବେଳେ ଚୋରଙ୍କ ଉତ୍ପାତ

Apr 1, 2019 - 07:24 Updated: Apr 1, 2019 - 07:24

6460

ଆନ୍ଧ୍ରପ୍ରଦେଶ : ୱାଇଏସ୍ଆର୍ କଂଗ୍ରେସ ପାର୍ଟିର ଏକ ନିର୍ବାଚନୀ ପ୍ରଚାରରେ ଆଜି ଦଳର ଅଧ୍ୟକ୍ଷ ଜଗନ୍ ରେଡ୍ଡୀଙ୍କ ଭଉଣୀ ଶର୍ମିଳା ସାମିଲ ହୋଇଥିଲେ । ଆନ୍ଧ୍ରପ୍ରଦେଶର ଗୁଂଟୁର ଜିଲ୍ଲାରେ ରାଲି ଚାଲିଥିଲା । ଶର୍ମିଳା ଏକ ବସରେ ବସି ଲୋକଙ୍କ ସହ ହାତ ମିଳାଉଥିଲେ । ଦଳର ସମର୍ଥକମାନେ ବେଶ୍ ଭିଡ ଦେଖିବାକୁ ମିଳିଥିଲା । ତେବେ ଏହି ଭିଡର ଫାଇଦା ନେଇ ଜଣେ ଚୋର ଶର୍ମିଳାଙ୍କ ସହ ହାତ ମିଳାଇବାକୁ ଉଦ୍ୟମ କରିଥିଲେ । ଶର୍ମିଳା ହାତ ବଢାଉଥିବା ବେଳେ ଚୋର ଜଣକ ତାଙ୍କ ମୁଦିକୁ କାଢିବାକୁ ଉଦ୍ୟମ କରିଥିଲେ । ସବୁ ବଳ ଖଟାଇ ମୁଦି ନେବାକୁୁ ଚେଷ୍ଟା କରିଥିଲେ । କିନ୍ତୁ ଶେଷରେ ବିଫଳ ହୋଇଥିଲେ । ଏ ନେଇ ଏକ ଫଟୋ ଭାଇରାଲ୍ ହୋଇଛି । ଏଭଳି ଘଟଣା ପ୍ରଜାଶାନ୍ତି ପାର୍ଟି ଅଧ୍ୟକ୍ଷ କେ ଏ ପାଲ୍ ଙ୍କ ସହ ମଧ୍ୟ ଘଟିଥିଲା । ଜଣେ ଚୋର ତାଙ୍କ ବେକରୁ ସୁନା ଚେନ୍ ଛିଡାଇବାକୁ ଉଦ୍ୟମ କରି ବିଫଳ ହୋଇଥିଲେ ।