ପୁଣି ଅନୁଭବଙ୍କ ଘରେ ମାନବାଧିକାର କର୍ମୀ
ପୁଣି ଅନୁଭବଙ୍କ ଘରେ ମାନବାଧିକାର କର୍ମୀ
admin
4293
ଭୁବନେଶ୍ୱର: ସାଂସଦ ଅଭିନେତା ଅନୁଭବ ମହାନ୍ତି ଓ ଅଭିନେତ୍ରୀ ବର୍ଷାଙ୍କ ଭିତରେ ଦେଖା ଦେଇଥିବା ବିବାଦ ପରିପ୍ରେକ୍ଷୀରେ ଗୁରୁବାର ମାନାବଧିକାର କର୍ମୀ କଟକସ୍ଥିତ ବାସଭବନରେ ଉଭୟଙ୍କୁ ଭେଟି ଦୀର୍ଘ ସମୟ ଆଲୋଚନା କରିଥିବାବେଳେ ଶୁକ୍ରବାର ପୁଣି ସାଂସଦ ଅନୁଭବଙ୍କ ଘରେ ମାନବାଧିକାର କର୍ମୀ ପହଞ୍ଚିଛନ୍ତି । କଟକ ନନ୍ଦିସାହି ଘରେ ଅନ୍ତର୍ଜାତୀୟ ମାନବାଧିକାର କମିଟିର ୫ଜଣ ସଦସ୍ୟ ପହଞ୍ଚିଥିବା ଜଣାଯାଇଛି । ଗତକାଲି ବି ୫ ସଦସ୍ୟ ଯାଇ ଉଭୟ ଅନୁଭବ ଓ ବର୍ଷାଙ୍କୁ ଭେଟିଥିଲେ । ଉଭୟଙ୍କ ମଧ୍ୟରେ ଆପୋସ ବୁଝାମଣା ପାଇଁ ସଦସ୍ୟାମାନେ ଉଦ୍ୟମ କରିଥିଲେ ।
ସୂଚନା ଯୋଗ୍ୟ ଯେ, ବର୍ଷା ଓ ଅନୁଭବଙ୍କ ବିବାଦ ଅଦାଲତରେ ପହଞ୍ଚିଥିବାବେଳେ ଉଭୟ ସାମାଜିକ ଗଣମାଧ୍ୟମରେ ଏବେ ଆରୋପ ପ୍ରତ୍ୟାରୋପ ଜାରି ରଖିଛନ୍ତି । ତେବେ ମାନବାଧିକାର କର୍ମୀଙ୍କ ଆଲୋଚନା ପରେ ଉଭୟଙ୍କ ବିବାଦ କେଉଁ ଦିଗରେ ଅଗ୍ରଗତି କରୁଛି ତା’ ଉପରେ ଏବେ ସମସ୍ତଙ୍କ ନଜର ରହିଛି ।
