ପିକନିକ୍ ନେଲା ୩ ଜୀବନ

Dec 21, 2020 - 06:46 Updated: Dec 21, 2020 - 06:46

3705

ରାଉରକେଲା: କାଳ ହେଲା ପିକ୍ନିକ । କୋଏଲନଦୀ ଝିରପାଣି କାମସେରା ଘାଟ ଏବଂ ବ୍ରାହ୍ମଣୀ ନଦୀର ବିରତୋଳା ଘାଟରେ ପୃଥକ ପୃଥକ ଦୁଇଟି ଅଘଟଣ ଘଟିଛି । ସାଙ୍ଗମାନଙ୍କ ସହ ଗାଧୋଉଥିବା ବେଳେ କୋଏଲ ନଦୀରେ ବୁଡ଼ି ଦୁଇ ଜଣ ସ୍କୁଲ ଛାତ୍ରଙ୍କର ମୃତୁ୍ୟ ହୋଇଛି । ସେମାନେ ହେଲେ ସେକ୍ଟର-୧୮ ର ଭୂବେଶ ପ୍ରସାଦ (୧୬) ଓ ଛେଣ୍ଡ କଲୋନୀର ସୁଜନ ଶର୍ମା (୧୬) । ସେକ୍ଟର ୫ ର କୌଶିକ ମଲ୍ଲିକ ନାମକ ସେମାନଙ୍କର ଆଉ ଜଣେ ଛାତ୍ର ନିଖୋଜ ହୋଇଯାଇଛି । ଏହି ତିନି ଜଣ ଯାକ ରାଉରକେଲା ସେକ୍ଟର-୫ ଦୀପିକା ଇଂରାଜୀ ମାଧ୍ୟମିକ ସ୍କୁଲର ଛାତ୍ରବୋଲି ଜଣାପଡ଼ିଛି । ଅନୁରୂପ ଭାବେ ପିକନିକ କରିବାକୁ ଯାଇ ବ୍ରାହ୍ମଣୀ ନଦୀରେ ବୁଡ଼ି ଜଣେ ଯୁବକ ମଧ୍ୟ ପ୍ରାଣ ହରାଇଛନ୍ତି । ମୃତ ଯୁବକ ହେଲେ ଲହୁଣୀପଡ଼ା କୋଡ଼ପଟା ଗାଁର ମାନସ ରଞ୍ଜନ ମହନ୍ତ (୨୭) । ମିଳିଥିବା ସୂଚନା ମୁତାବକ ରବିବାର ଛୁଟି ଦିନ ଥିବାରୁ ସକାଳ ପ୍ରାୟ ୧୦ଟା ବେଳେ ସେକ୍ଟର-୫ ର ଦୀପିକା ଇଂରାଜୀ ମାଧ୍ୟମ ସ୍କୁଲର ୯ ଜଣ ଛାତ୍ର ପିକନିକ କରିବାକୁ ଯାଇଥିଲେ । କରୋନା କଟକଣାରେ ବଣଭୋଜି ବାରଣ ଥିବାରୁ ଛାତ୍ର ମାନେ ନିଜ ନିଜ ଘରେ ମିଛ କହିଥିଲେ । ଜଣେ ସାଙ୍ଗଙ୍କ ଘରେ ଭୋଜି କରୁଛୁ କହି ଘରୁ ବାହାରି ଗୋଟିଏ ସ୍ଥାନରେ ଏକାଠି ହୋଇଥିଲେ । ତା ପରେ ମୋଟର ବାଇକ ଓ ସ୍କୁଟି ଯୋଗେ କୋଏଲ ନଦୀ ଜାମସେରା ଘାଟକୁ ପିକନିକ କରିବାକୁ ଯାଇଥିଲେ ।