ଅନେକ ଜାଗାରେ ଇଭିଏମ୍ ତ୍ରୁଟି

Apr 11, 2019 - 04:28 Updated: Apr 11, 2019 - 04:28

6662

ଭୁବନେଶ୍ବର : ରାଜ୍ୟରେ ପ୍ରଥମ ପର‌୍ୟ୍ୟାୟ ନିର୍ବାଚନ ପାଇଁ ଗୁରୁବାର ମତଦାନ ଆରମ୍ଭ ହୋଇସାରିଛି। ଭୋଟରମାନେ ୪ଲୋକସଭା ଓ ୨୮ଟି ବିଧାନସଭା ପାଇଁ ମତଦାନ କରୁଛନ୍ତି। ତେବେ ରାଜ୍ୟର କେତେକ ନିର୍ବାଚନ ମଣ୍ଡଳୀର କେତେକ ବୁଥରେ ଇଭିଏମ୍ ତ୍ରୁଟି ଯୋଗୁଁ ମତଦାନ ବିଳମ୍ବରେ ହୋଇଛି। ଇଭିଏମ୍ ତ୍ରୁଟି ଯୋଗୁଁ ଜୟପୁରର ପାରାବେଡା ହାଇସ୍କୁଲରେ ମତଦାନ ୪୫ମିନିଟ ବିଳମ୍ବରେ ହୋଇଛି। ଚିତ୍ରକୋଣ୍ଡା ୟୁପି ସ୍କୁଲର ୨୧୧ ନମ୍ବର ବୁଥରେ ମଧ୍ୟ ମତଦାନ ବିଳମ୍ବ ହୋଇଛି। ମାଲକାନଗିରି ଜିଲାର ୧୦ଟି ବୁଥରେ ଇଭିଏମ୍ରେ ଯାନ୍ତ୍ରିକ ତ୍ରୁଟି ଦେଖିବାକୁ ମିଳିଛି। ସେହିପରି ଗୁଣପୁର ପଦ୍ମପୁର ବ୍ଲକ ୧୧୨ନମ୍ବର ବୁଥରେ ଭିଭିପାଟ୍ ଅଚଳ ହୋଇଥିବା ଜଣାପଡିଛି। ଜୁନାଗଡର କୁହୁରା ଓ କଣ୍ଟାମାଳ ବୁଥରେ ଭିଭିପାଟ୍ ଅଚଳ ହୋଇଛି। ଉମରକୋଟ ବ୍ଲକର ୨ଟି ଓ ରାଇଘର ବ୍ଲକର ଗୋଟିଏ ବୁଥରେ ଇଭିଏମ୍ ଅଚଳ ହୋଇଯାଇଛି। ଇଭିଏମରେ ତ୍ରୁଟି ଓ ଭିଭିପାଟ୍ ଅଚଳ ହୋଇଥିବା କାରଣରୁ ଅନେକ ସ୍ଥାନରେ ଭୋଟରମାନେ ଫେରି ଯାଉଥିବା ଦେଖିବାକୁ ମିଳିଛି। ଏହି କାରଣରୁ ମତଦାନ ବାଧାପ୍ରାପ୍ତ ହେଉଥିବା ଜଣାପଡିଛି।