ନବରଙ୍ଗପୁର ଗଣଦୁଷ୍କର୍ମ ଓ ହତ୍ୟାଘଟଣା, ପିଡିତାଙ୍କୁ ନ୍ୟାୟ ଦେବା ପାଇଁ କଂଗ୍ରେସର ସଂଘର୍ଷ
ନବରଙ୍ଗପୁର ଗଣଦୁଷ୍କର୍ମ ଓ ହତ୍ୟାଘଟଣା, ପିଡିତାଙ୍କୁ ନ୍ୟାୟ ଦେବା ପାଇଁ କଂଗ୍ରେସର ସଂଘର୍ଷ
admin
2096
ନବରଙ୍ଗପୁର – ଗତ ୧୪ ତାରିଖରେ ନବରଙ୍ଗପୁରରେ ଘଟିଯାଇଥିବା ବହୁଚର୍ଚ୍ଚିତ ଗଣଦୁଷ୍କର୍ମ ଓ ହତ୍ୟାଘଟଣାର ଅଭିଯୁକ୍ତ ଖୋଲାଆକାଶ ତଳେ ଖୁଲମଖୋଲା ବୁଲୁଛି । ପୁଲିସର ନିଷ୍କି୍ରୟତାର ପ୍ରତିବାଦରେ ପିସିସିର ପୂର୍ବତନ କାର୍ୟ୍ୟକାରୀ ସଭାପତି ପ୍ରଦୀପ ମାଝୀଙ୍କ ଡ଼ାକରାରେ ଜିଲ୍ଲା କଂଗ୍ରେସ ତରଫରୁ ଆଜି ନବରଙ୍ଗପୁର ଜିଲ୍ଲା ବନ୍ଦ ପାଳନ କରାଯାଉଛି । ଜିଲ୍ଲା କଂଗ୍ରେସ ତରଫରୁ ଶତାଧିକ କର୍ମୀ ଜିଲ୍ଲା କଂଗ୍ରେସ କାର୍ୟ୍ୟାଳୟ ସମ୍ମୁଖରେ ଟାୟାର ଜାଳି ୨୬ ନମ୍ବର ଜାତୀୟ ରାଜପଥ ଅବରୋଧ କରିଛନ୍ତି । ରାସ୍ତା ଅବରୋଧ ଫଳରେ ଗମନାଗମନରେ ବାଧା ଉପୁଜିଛି । ରାସ୍ତାର ଉଭୟ ପାର୍ଶ୍ଵରେ ଗାଡି ଅଟକି ରହିଛି ।
ଏହା ମଧ୍ୟରେ ପ୍ରଦିପ ମାଝୀଙ୍କ ଏକ ଭିଡିଓ ଗଣମାଧ୍ୟମ ହାତରେ ଲାଗିଛି ଯାହା ସମସ୍ତଙ୍କୁ ଅଶ୍ଚର୍ଯ୍ୟ କରିଛି । ସେ ଭିଡିଓ ପ୍ରଦୀପ ମାଝୀ କହିଛନ୍ତି ଯେ ପେଟ୍ରୋଲ ଡିଜେଲ ରେଡି କରିରଖିଥାଅ ଇନଷ୍ଟ୍ରକସନ ଗଲେ ଜାଳିଦିଅ । ଏଭଳି ଭିଡିଓର ଜବାବ ରଖିଛନ୍ତି ପୁର୍ବତନ ସାଂସଦ ପ୍ରଦୀପ ମାଝି । ସେ କହିଛନ୍ତି ଯେ ପିଡିତାଙ୍କୁ ନ୍ୟାୟ ଦେବାକୁ ଯାଇ ଆଇନକୁ ହାତକୁ ନେବାକୁ ପଡିଲେ ନେବୁ । ସୁବାଷ ଚନ୍ଦ୍ର ବୋଷ ନୀତିକୁ ଆପଣାଇବାକୁ ବାଧ୍ୟ ହେବୁ । ଏ ସରକାରରେ ବେବିନା କନ୍ଦୁଲି ଭଳି ବହୁ ଘଟଣା ଘଟିଯାଇଥିଲେ ମଧ୍ୟ ନ୍ୟାୟ ଦେଇପାରିନାହାନ୍ତି ନବୀନ ପଟ୍ଟନାୟକ । ଏହିଭଳି ଘଟଣା ଗୃହମନ୍ତ୍ରୀ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ହିଁ ଦାୟୀ । ନବରଙ୍ଗପୁରରେ ଆଜି ଯଦି ଏଭଳି ପରିସ୍ଥିତି ଉପୁଜିଥାଏ ତେବେ ସେଥିପାଇଁ କେବଳ ଏ ଅପାରଗ ନବୀନ ସରକାର ଦାୟୀ ।
