କୃଷିମନ୍ତ୍ରୀଙ୍କ ବିରୋଧରେ ସ୍ୱାଧିକାର ଭଙ୍ଗ ନୋଟିସ
କୃଷିମନ୍ତ୍ରୀଙ୍କ ବିରୋଧରେ ସ୍ୱାଧିକାର ଭଙ୍ଗ ନୋଟିସ
admin
1845
ଭୁବନେଶ୍ୱର: କାଳିଆ ଯୋଜନା ପାଇଁ ଅଡ଼ୁଆରେ ପଡ଼ିପାରନ୍ତି କୃଷି ମନ୍ତ୍ରୀ ଅରୁଣ ସାହୁ । କାରଣ ମନ୍ତ୍ରୀ ଶ୍ରୀ ସାହୁଙ୍କ ନାମରେ ଆଜି କଂଗ୍ରେସ ବିଧାୟକ ମହମ୍ମଦ ମୋକିମ ସ୍ୱାଧିକାର ଭଙ୍ଗ ନୋଟିସ ଆଣିଛନ୍ତି । କାଳିଆ ଅଯୋଗ୍ୟ ହିତାଧିକାରୀ ନେଇ ମନ୍ତ୍ରୀ ଭୁଲ ତଥ୍ୟ ଦେଇଥିବା ମୋକିମ ଅଭିଯୋଗ ଆଣିଛନ୍ତି । କାଳିଆ ଅଯୋଗ୍ୟ ହିତାଧିକାରୀ ନେଇ ଜିଲ୍ଲା କୃଷି ଅଧିକାରୀଙ୍କ ତଥ୍ୟ ସହ ମନ୍ତ୍ରୀ ଶ୍ରୀ ସାହୁଙ୍କ ଉତ୍ତରରେ ତାଳମେଳ ନଥିବା ମୋକିମ ଅଭିଯୋଗ କରିଛନ୍ତି ।
ପୂର୍ବରୁ ଏଭଳି ସାଙ୍ଘାତିକ ଅଭିଯୋଗ ଆଣିଥିଲେ କଂଗ୍ରେସ ନେତା ସତ୍ୟ ପ୍ରକାଶ ନାୟକ । ଏକ ସାମ୍ବାଦିକ ସମ୍ମିଳନୀରେ ସତ୍ୟ ନାୟକ କହିଥିଲେ ଯେ, ବିଧାନସଭାରେ କୃଷି ମନ୍ତ୍ରୀ ଅରୁଣ ସାହୁ ମିଥ୍ୟା ତଥ୍ୟ ଦେଇଛନ୍ତି । ଆରଟିଆଇ ତଥ୍ୟରେ ଗତ ଅକ୍ଟୋବର ମାସ ସୁଧା ୧ଲକ୍ଷ ୭୨ ହଜାର ୯୦୮ ଜଣ ଅଯୋଗ୍ୟ କାଳିଆ ହିତାଧିକାରୀ ସାମିଲ ଅଛନ୍ତି ବୋଲି ତଥ୍ୟ ରହିଛି । କିନ୍ତୁ ମନ୍ତ୍ରୀ ଗୃହରେ ୪୫ ହଜାର ୯୬୫ ଜଣ ଅଯୋଗ୍ୟ ହିତାଧିକାରୀ ବୋଲି କହିଥିଲେ । ମନ୍ତ୍ରୀ କେଉଁ ଚାପରେ ଗୃହରେ ଏପରି ମିଥ୍ୟା ତଥ୍ୟ ଦେଇଛନ୍ତି ସ୍ପଷ୍ଟ କରନ୍ତୁ ବୋଲି ସତ୍ୟ ଦାବି କରିଥିଲେ । ଏପରିକି ମୁଖ୍ୟମନ୍ତ୍ରୀ ୫ଟି ବଳରେ ମନ୍ତ୍ରୀ ଅରୁଣଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଅନ୍ତୁ ବୋଲି ସେ କହିଥିଲେ ।
