କଂଗ୍ରେସ ପାର୍ଟି କାର୍ୟ୍ୟାଳୟରେ ନିଆଁ ଲଗାଇଦେଲେ ଦୁର୍ବୃତ୍ତ
କଂଗ୍ରେସ ପାର୍ଟି କାର୍ୟ୍ୟାଳୟରେ ନିଆଁ ଲଗାଇଦେଲେ ଦୁର୍ବୃତ୍ତ
admin
6270
ପିପିଲି: ପୁରୀ ଜିଲ୍ଲା ପିପିଲି ବିଜ୍ଞାପିତ ଅଞ୍ଚଳ ପରିଷଦରେ ନିର୍ବାଚନୀ ହିଂସା ଖବର ମିଳିଛି। ୭ ନମ୍ବର ଓ୍ୱାର୍ଡରେ ନିର୍ବାଚନୀ ହିଂସା ଦେଖିବାକୁ ମିଳିଛି। କିଛି ଦୁର୍ବୃତ୍ତ କଂଗ୍ରେସ ପାର୍ଟି ଅଫିସରେ ନିଆଁ ଲଗାଇ ଦେଇଥିବା ଜଣାପଡ଼ିଛି।
୭ ନମ୍ବର ଓ୍ୱାର୍ଡରେ କଂଗ୍ରେସ ପକ୍ଷରୁ ତମ୍ବୁ ଟାଣି ଅସ୍ଥାୟୀ ପାର୍ଟି ଅଫିସ କରାଯାଇଥିଲା। ଗତକାଲି ବିଳମ୍ବିତ ରାତିରେ଼ କେହି ଦୁର୍ବୃତ୍ତ ସେଠାରେ ନିଆଁ ଲଗାଇ ଦେଇଥିବା ଦଳ ପକ୍ଷରୁ ଅଭିଯୋଗ କରାଯାଇଛି। ଏଥିରେ କାହାର କିଛି କ୍ଷତି ହୋଇନାହିଁ। ନିଆଁରେ କିଛି ଜିନିଷ ପୋଡ଼ି ଯାଇଛି।
ଆକ୍ରୋଶ ରଖି ବିରୋଧୀ ଦଳ ଏପରି କରିଥାଇପାରନ୍ତି ବୋଲି କଂଗ୍ରେସର ଅଧ୍ୟକ୍ଷ ପ୍ରାର୍ଥୀ ଗୁଣନିଧି ପ୍ରଧାନ କହିଛନ୍ତି ।
ସେ ଆହୁରି କହିଛନ୍ତି, ଲୋକେମାନେ କଂଗ୍ରେସକୁ ବହୁମାତ୍ରାରେ ସମର୍ଥନ କରୁଛନ୍ତି। ଯାହାଫଳରେ ବିରୋଧୀ ହତୋତ୍ସାହିତ ହୋଇଗଲେଣି। ହାରିବା ଭୟରେ ସେମାନେ ଏପରି କରୁଛନ୍ତି। ଗଣତନ୍ତ୍ରରେ ହିଂସାରେ ସ୍ଥାନ ନାହିଁ। ଯେଉଁମାନେ କରୁଛନ୍ତି, ସେମାନେ ଏଥିରେ ନିବୃତ୍ତ ରୁହନ୍ତୁ।
