ଏବର୍ଷ ବି ହେବନି ବାଲିଯାତ୍ରା

Nov 9, 2021 - 11:13 Updated: Nov 9, 2021 - 11:13

6601

ଭୁବନେଶ୍ୱର : ଚଳିତ ବର୍ଷ ବି ହେବନାହିଁ ଐତିହାସିକ ବାଲିଯାତ୍ରା । କରୋନା କାରଣରୁ ଏବର୍ଷ ବାଲିଯାତ୍ରା ହେବନାହିଁ ବୋଲି କଟକ ଜିଲ୍ଲା ପ୍ରଶାସନ ସୂଚନା ଦେଇଛନ୍ତି । କରୋନା ସଂକ୍ରମଣ ବଢ଼ିବା ଆଶଙ୍କାରେ ଗତ ଦୁଇବର୍ଷ ଧରି ବାଲିଯାତ୍ରା ବନ୍ଦ ରହିଛି ।

ପ୍ରତିବର୍ଷ କାର୍ତିକ ପୂର୍ଣ୍ଣିମାରେ କଟକ ଗଡ଼ଗଡ଼ିଆ ଘାଟ ନଦୀ ପଠାରେ ବାଲିଯାତ୍ରା ହୋଇଥାଏ । ଏହି ମେଳାରେ ହଜାର ହଜାର ସଂଖ୍ୟକ ଷ୍ଟଲ ପଡ଼ିବା ସହ ଲକ୍ଷ ଲକ୍ଷ ଲୋକଙ୍କର ଜନ ସମାଗମ ହୋଇଥାଏ । କିନ୍ତୁ କରୋନା କଟକଣା ଯୋଗୁଁ ଗତ ଦୁଇବର୍ଷ ଧରି ଏହା ବନ୍ଦ ରହିଛି । ଚଳିତ ବର୍ଷ ସଂକ୍ରମଣ ହ୍ରାସ ପାଇଥିବାରୁ ବାଲିଯାତ୍ରା ହୋଇପାରେ ବୋଲି ଲୋକମାନେ ଆଶା କରୁଥିଲେ । କିନ୍ତୁ ଏବେବି କରୋନା ସଂକ୍ରମଣ କମିନଥିବାବେଳେ ବିଦେଶରେ ଲକଡାଉନ ପରିସ୍ଥିତି ବି ସୃଷ୍ଟି ହୋଇଛି । ସେହିପରି ଶୀତଦିନେ ସଂକ୍ରମଣ ବ୍ୟାପିବାର ବି ଅଧିକ ଆଶଙ୍କା ରହିଛି । ଏସବୁକୁ ଆଖି ଆଗରେ ରଖି ଚଳିତ ବର୍ଷ ବାଲିଯାତ୍ରା ହେବନାହିଁ ବୋଲି କଟକ ଜିଲ୍ଲା ପ୍ରଶାସନ ନିଷ୍ପତି ନେଇଛି ।