ହାତକଡ଼ି ବଦଳରେ ପଡ଼ିଲା ହାତଗଣ୍ଠି
ହାତକଡ଼ି ବଦଳରେ ପଡ଼ିଲା ହାତଗଣ୍ଠି
admin
5167
କଟକ: ଢେ଼ଙ୍କାନାଳର ଯୁବତୀଙ୍କୁ ଦୁଷ୍କର୍ମ, ଫଟୋ ଭାଇରାଲ ଧମକ ଦେଇ ବ୍ଲାକମେଲ କରିବା ଘଟିଣା ନୂଆ ମୋଡ଼ ନେଇଛି । ଯେଉଁ ଯୁବକଙ୍କ ବିରୋଧରେ ଏଭଳି ଅଭିଯୋଗ ଆସିଥିଲା, ସେହି ଯୁବକ ସମ୍ପୃକ୍ତ ଯୁବତୀଙ୍କୁ ବିବାହ କରିଛନ୍ତି । କଟକ ଚଣ୍ଡୀ ମନ୍ଦିରରେ ଉଭୟଙ୍କର ଆଦର୍ଶ ବିବାହ ପୁଲିସ ଉପସ୍ଥିତିରେ ହୋଇଛି । ଯୁବକଙ୍କ ହାତରେ ହାତ କଡ଼ି ବଦଳରେ ହାତଗଣ୍ଠି ପଡ଼ିବା ଘଟଣା ଏବେ ଚର୍ଚ୍ଚାର ପ୍ରସଙ୍ଗ ହୋଇଛି । ସୂଚନା ଅନୁସାରେ ଛତ୍ରବଜାରରେ କାମ କରୁଥିବା ଢେ଼ଙ୍କାନାଳ ଜିଲ୍ଲା କାମାକ୍ଷାନଗରର ବ୍ୟକ୍ତି ମହତାବ ରୋଡରେ ଭଡ଼ା ନେଇ ରହୁଥିବା ବେଳେ ତାଙ୍କ ୨୧ ବର୍ଷିୟା ଝିଅ ତାଙ୍କ ସହିତ ବି ରହୁଥିଲେ । ପିପିନା ନାବାଳିକା ଥିବା ବେଳେ ମହତାବ ରୋଡ ଅଞ୍ଚଳରେ ଏକ ଔଷଧ ଦୋକାନରେ କାମ କରୁଥିବା ଜଣେ ଯୁବକ ନରେନ୍ଦ୍ର ପଣ୍ଡାଙ୍କ ସହିତ ପରିଚୟ ହୋଇଥିଲା । ଜଗତସିଂହପୁରର ବଡ଼ ତିହଡ଼ାର ନିରଞ୍ଜନ ପଣ୍ଡାଙ୍କ ୩୦ ବର୍ଷୀୟ ପୁଅ ନରେନ୍ଦ୍ର ବାଦାମବାଡ଼ି ରକ୍ସି ଲେନରେ ରହୁଥିଲେ । ନରେନ୍ଦ୍ର ତାଙ୍କୁ କୋଲଡ ଡି୍ରଙ୍କସରେ ନିଶା ଦେଇ ପ୍ରଥମେ ଦୁଷ୍କର୍ମ କରିବା ଏବଂ ପରେ ସେହି ଫଟୋ ଭାଇରାଲ କରିବାର ଧମକ ଦେଇ ଶାରୀରିକ ସମ୍ପର୍କ ରଖିଥିଲେ । ୩/୪ ବର୍ଷ ଭିତରେ ସେ ବିଭିନ୍ନ ସମୟରେ ବିବାହର ପ୍ରତିଶ୍ରୁତି ବି ଦେଇଥିଲେ । ଏଭଳି ସ୍ଥିତିରେ ଗଲା ଏକ ମାସ ତଳେ ଯୁବତୀ ଜଣକ ତି୍ରଶୁଳିଆ ନିକଟରେ କାଠଯୋଡ଼ି ନଦୀକୁ ଡେଇଁ ଆତ୍ମହତ୍ୟା ଉଦ୍ୟମ କରିଥିଲେ । ଓଲସା ପକ୍ଷରୁ ସଦସ୍ୟା ମିତାଲି ଭଞ୍ଜ ତାଙ୍କୁ ଉଦ୍ଧାର କରିଥିଲେ । ଜିଲ୍ଲା ଆଇନସେବା ପ୍ରାଧିକରଣରେ ଗଲା ୨ ତାରିଖରେ ଓ ୩ ତାରିଖରେ ବାଦାମବାଡ଼ି ଥାନାରେ ଯୁବତୀ ଜଣକ ଅଭିଯୋଗ କରିଥିଲେ । ଜିଲ୍ଲା ଆଇନସେବା ପ୍ରାଧିକରଣ ମାଧ୍ୟମରେ ଥାନାରେ ଅଭିଯୋଗ ହେବା ପରେ ପୁଲିସ ଉଭୟପକ୍ଷଙ୍କୁ ଡାକି ଘଟଣା ସମ୍ପର୍କରେ ଜେରା କରିଥିଲା । କିନ୍ତୁ ପରସ୍ପର ମଧ୍ୟରେ ଆପୋସ ଆଲୋଚନା ପରେ ଉଭୟ ଚଣ୍ଡୀ ମନ୍ଦିରରେ ବିବାହ ବନ୍ଧନରେ ଆବଦ୍ଧ ହୋଇଛନ୍ତି ।
