ସେଇ ନାରାବାଜି, ହଟ୍ଟଗୋଳ, ଗୃହ ମୁଲତବି

Dec 6, 2021 - 07:16 Updated: Dec 6, 2021 - 07:16

3873

ଭୁବନେଶ୍ୱର: ଗୃହରେ ଅଚଳାବସ୍ଥା ଜାରି ରହିଛି । ସୁରୁଖୁରୁରେ ଗୃହ କାର୍ଯ୍ୟ ଚାଲିପାରୁନାହିଁ।ଗୃହରାଷ୍ଟ୍ରମନ୍ତ୍ରୀ ଦିବ୍ୟଶଙ୍କରଙ୍କ ବହିଷ୍କାର ପାଇଁ ଅଡ଼ିବସିଛନ୍ତି ବିରୋଧୀ । ଯେତେ ପର୍ଯ୍ୟନ୍ତ ଏହି ଦାବି ପୂରଣ ହେବ ନାହିଁ ସେତେ ପର୍ଯ୍ୟନ୍ତ ଗୃହ କାର୍ଯ୍ୟ ନ ଚଲାଇ ଦେବାକୁ ସତେ ଯେମିତି ବିରୋଧୀ ଅଡ଼ିବସିଛନ୍ତି । ଆଜି ବିଧାନସଭା ଶୀତକାଳୀନ ଅଧିବେଶନର ପଞ୍ଚମ ଦିନ । ଆଜି ବି ଗୃହରେ ସମାନ ସ୍ଥିତି ଦେଖିବାକୁ ମିଳିଛି । ଗୃହ ଆରମ୍ଭରୁ ବିଜେପି ଓ କଂଗ୍ରେସ କର୍ମୀମାନେ ମମିତା ମେହେର ପ୍ରସଙ୍ଗକୁ ନେଇ ହୋହାଲ୍ଲା କରିଥିଲେ । ଗୃହ ଆରମ୍ଭରୁ ମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କ ବହିଷ୍କାର ଦାବିରେ ବାଚସ୍ପତିଙ୍କ ପୋଡିୟମ ନିକଟକୁ ଯାଇ ବରୋଧୀ ହଟ୍ଟଗୋଳ କରିବା ସହ ନାରାବାଜି କରିଥିଲେ । କଂଗ୍ରେସ ବିଧାୟକମାନେ ବାଚସ୍ପତିଙ୍କ ପୋଡିୟମକୁ ଘେରି ଯାଇଥିଲେ। ବିଜେପି ସଭ୍ୟମାନେ ସାମ୍ନାରେ ନାରା ଚାଲିଥିଲେ, ବାଚସ୍ପତି ସୂର୍ଯ୍ୟନାରାୟଣ ପାତ୍ର ବାରମ୍ବାର କହିବା ସତ୍ତ୍ୱେ ବିରୋଧୀମାନେ ଚୁପ୍ ହୋଇନଥିଲେ । ଏଥିପାଇଁ ବାଚସ୍ପତି ଆଜି ଅପରାହ୍ନ ୪ଟା ପର୍ଯ୍ୟନ୍ତ ଗୃହକୁ ମୁଲତବି ଘୋଷଣା କରିଛନ୍ତି